Read Ranglong SAM 57 Bible Online

SAM 57 - Ranglong bible

SAM 57

¹La ruaipu rang: David a La O Pathian, lungkham na mu ro, lungkham na mu ro, kei damna hi nanga han anbetoka. Na mantha zar thuaia hong anngam ka ti, ravanduaina ngai ankhai maseng chu.

²Pathian chungnungkhit chu pai ka ti, Pathian alompeia ana tho pe pu ha.

³Mi anan vol rang aval ngai han ana ero u tika; ama han anvan ata hong tir intia, na sandam inti; (Selah) Pathianin a lungkhamna le a chongtak hong tir inti.

⁴Kei damna hi akoibaknei bila a oma, miring akang bila ka oma. A ha u ngai chu asei le thal ang ani na; amalei u ngai khendai angei sabak ang ke.

⁵O Pathian, anvan akhel vinga anpaka lei om ro, nei anlianna chu leilung dora chunga hin lei om rase.

⁶Ka ke ei anokna rang len apha u na; kei damna hi andonna sika anbur chiana. Ka matona khur akhuar u na, amani len ha amalai taka achul u na. (Selah)

⁷Ka malung hi angir ke, O Pathian, ka malung hi angir ke; la tho ka tia, ani, anpakna la tho ka ti!

⁸Kei anlianna, insang la ro! Chongpereng le tingtang ngai o, insang la u ro! Koi chu zing sabaka insang la ka ti.

⁹O PUMA, mitin bila pham chong na ril ka ti. Namtin bila nang anpaka la tho ka ti.

¹⁰Na lungkhamna chu alian sabak anvan aton ke; nei takna atam sabak anvana ansum aton ke.

¹¹O Pathian, nang chu anvan akhel diaia anpaka lei om ro, nei anlianna chu leilung dora chung hin lei om rase.