Read Ranglong SAM 59 Bible Online

SAM 59 - Ranglong bible

SAM 59

¹La ruaitu rang: David Anpakna La O ka Pathian, ana dui ngai ata na mazok tan la; ana dui ngai ata mun ansanga na bang ro!

²Asia atho ata mun ansanga na bang ro; thisen ansuak azot ngai ata na sandam ro!

³O PUMA, kei masialna ngai sik ni luia, kei siat nokna sikam ni luia, enta, kei damna hi lamruang ei tho chian u, mi rat ngai chu ana dui u ranga anchun u na.

⁴Ka siat nok uamam atan u na, ansin u na; ana san ranga insang la tan la, en ro.

⁵O PUMA, sipai ngai Pathian Israel ngai Pathian, nang nget ha namtin a en ranga anthui tan la; phuazekam salui ngai dora chu lungkham mu no ro! (Selah)

⁶Khului tiang ahongret u na, ui anga anse vung u na, khopui ha ahil ahil u na.

⁷Enta, abai u na an ir zuzuta; amur u na khendai a oma, “Tumo ariat mo om?” a ti u na.

⁸Tenchu, O PUMA, nangin amani ha mani na tia; namtin doram manizet koka tho ro.

⁹O anan ratpu, na ngak chian ka ti; Pathian chu ka rakul ansang ke.

¹⁰Ka chunga lungkham Pathian han na maruang intia; Pathianin ka raldui ngai chunga kei zot dan chu na manmu inti.

¹¹Amani ha that no ro, hanoten ka mi ngaiin ei mangil u rang keng. O PUMA, koini na phocheng khit, na sinthotheinan athek tan la, mandok ro.

¹²A bai u na siatna sik le amur u na chong asuak sika; borai ei tho u na ngeta han anok rase, achongril u ngai khomak samna le milak chong ngai sik ham.

¹³Amani ngai chu taksitin masiat biang tan la; ei om u lai nok ranga masiat ro. Pathianin Jakob ngai bila rui ei ril ti, rekiar u rase kolmong tenpei. (Selah)

¹⁴Hanuk, khului tiang hong ret sela, ui anga annguk sep sup u sela, khopui chu ahil ahil u rase,

¹⁵amani chu asak rua anvana tan sepsup untia, akhop u nok aniten zan mang unti.

¹⁶Tenchu, koiin chu nei ratna chong la na tho ka tia; ani, zinga chu na lungkham rui hi raisan taka la na tho ka ti. Nang chu ka rakul ansang, ka rathata nikhuana kei anrungna ke na ni.

¹⁷O anan ratpu, nang anpaka la tho ka ti. Pathian chu ka rakul ansang, ka chunga lungkham, Pathian ke ei ni.