Read Ranglong SAM 60 Bible Online

SAM 60 - Ranglong bible

SAM 60

¹David a La O Pathian, nangin nana maka, nana masiata; na tak aleiasia; atun nangin amun na mansir ret ro.

²Hiva ram hi na mannika; na makhik zeia; ankak ngai ha sin ret ro; annik annik hi le.

³Na mi ngai hi antakpa ngai na manmu na; angir thei nokna uain na mannek zeia.

⁴Nang anan chi ngai koma han puanzar na mathui pe na, chongtak sika anzar ei ni theina rang. (Selah)

⁵Neia dit ngai hi azoka ei om u theina rang, na chang kut le sandam tan la, na masang ro.

⁶Pathianin ei anthiangna na han hintin hin ati na, ka raisan inti, “Sekem khua chu sem ka tia; Sukot tang phai um sem ka ti.

⁷Gilead ram chu ka ta ke; Manase ram um ka ta ke; Ephraim ram um ha ka lu zokna ke; Juda ram chu ka reng sunrol ke.

⁸Moab ram chu kei ansukna bel ke, Edom rama han chu ka kekok pai ka ti; Philisti ram, nang chu koi ka sika ankhek ro,” ti na.

⁹Khopui adeta han tumo ana ruai rang?

¹⁰O Pathian, nang ngetin neina mak nimak mo? O Pathian, koini na sipai ngai bilam se mak che na?

¹¹Ana dui ngai antho pui ranga na san ro; asik chu miring sanna chu ite nimaka.

¹²Pathian zara arang sabaka tho inti; ama ha ana dui ngai anan thinpe rang ke.