Read Ranglong SAM 62 Bible Online

SAM 62 - Ranglong bible

SAM 62

¹David Anpakna La Kei dam nan Pathian rong ke ei ngak; ama ata han ka sandamna hong suak inti.

²Ama rong ha ka lungpui le ana sandampu ani; ka rakul ansang ani na, annik sabak chu no ning.

³Nangni ngai doran, athat rang, lung bang an on anduipui ang le, rapal akiak vivit anduipui anga, ni itukmo mi angkhat hi nei anduipui rang?

⁴Ei anlianna ata ansul rang duai anril u na; milak chong aril hi ei pham khit u ke. A bai u le bor apek u na, a malung u na khomak asam u chachak. (Selah)

⁵Kei damna, Pathian rong ngak ro; kei sabeina hi ama kom ata asuak ke.

⁶Ama rong ka lungpui le ka sandamna ani; ka rakul ansang ani na; annik no ning

⁷Pathian koma ka sandamna le kei anlianna a om; kei ratna lungpui le kei zokna chu Pathiana a om.

⁸Nangni mipui ngai, ama chu iam chian u tan la. Na malung u chu a makunga han hong bun zit u ro, Pathian chu koini na rang azokna ke. (Selah)

⁹Mi chi sin ngai ite ni u mak; mi chi lian ngai um milak mamei ke. Anmai anten azang vut u ke; ite nilui neka azang ual u ke.

¹⁰Anpangsepna hi iam u no ro; anru neinun um ansong pui u no ro; neinung anson le achunga na malung pe u no ro.

¹¹Pathianin voikhat arila; voi anni hiva chong hi ka riat zei; sinthotheina hi Pathian ta ani ti hi;

¹²O PUMA, lungkhamna hi na ta den ke; asik chu mitin a sintho anga nei thuan chachak ke.