Read Ranglong SAM 65 Bible Online

SAM 65 - Ranglong bible

SAM 65

¹La ruaitu rang: David Anpakna La O Pathian, Ziona han anpak nan ei na ngak chian ke, chongtin chu nanga akipa om inti.

²O borzongna anrangai pu. Na koma hin taksa dora hong inti.

³Siatna ngai hi ka zui chachak nokam; koini nei diknokna ngai na rathial pe ro.

⁴Mi, na biakin zahual sung kholaia om thei ranga nei athang na kola nei ruai chu, achan asa ke: Nei satna han khop inti, na biakin mun anthiang satna han.

⁵O ana sandampu Pathian, nangin anchirua ngai le adika na masang inti.

⁶Sinthotheina na konga ankhita, atheia ratnana mual ngai andetpu ha na ni.

⁷Tipuilian rasa hum hum, ei ansok rasa hum hum ngai le; mitin ansual ankhal muak anmongpu ha ke.

⁸Kolmong heka a om ngai han um nei anriatna ngai ha achi u na; zing le khului suakna ngai ha raisana la na mantho.

⁹Phil na en rapa, ti na peka; achalaka na mansa na. Pathian tidung chu ti le abit ke; phil hi hantina nei mansuka han amani rang bu nei mansuk pe ke.

¹⁰Phil ei anrita anuk ankhuar ngai chu ti le na manbita; phil apo ngai um na manruala; roti le na mannuia among ngai ha bor na peka.

¹¹Kum ha nei satna na mankhuna; nei sena lampui ngai chu neinun asa ke a zan chachak.

¹²Philchara sul bila han a zana; mual ngai um ha raisanna le antuama a om u na.

¹³Sul bil ngai chu bera rual ngaiin asak u na; tang phai ngai um bu ansung chuta. Raisana ankheka lam atho u.