Read Ranglong SAM 66 Bible Online

SAM 66 - Ranglong bible

SAM 66

¹Leilung alua ngai dora, Pathian anpaka raisana ankhek u tan la!

²A raming ei lianzia chu la na manpak u ro; ei anpakna chu manlian u ro!

³Pathian koma, “Na sintho ngai chu anchim a om ba! Na sinthotheina ei lian sika nang anan duipui chu na kom hong anbok inti.

⁴Leilung alua ngai doran chibai na buk untia; nang anpaka la tho unti; na raming anpaka la tho unti,” ti u ro. (Selah)

⁵Hong u ro, Pathian sintho ngai hi en u ro, miring nai ngai chunga a sinthona hin anchi om ke.

⁶Ama han tipuilian ha philchara a manchanga: tipui ha ke le ankan u na; hava han amana na rai asana.

⁷A sinthotheina han kumkhuana rui arila; a mit le namtin a en chachak; asel ngai ha aninga anpak u no rase. (Selah)

⁸O, mi ngai o, koini na Pathian chu manpak u tan la; ama anpakna rasa chu manriat u ro.

⁹Ama han nei damna hi a mandam chiana na ke ngai hi nei thot phal mak.

¹⁰O Pathian, nangin nana mansina; sumru anenna anga nana ena.

¹¹Nangin lena nana manluta koini na lampuia hin puak arikpa na siak.

¹²Nangin koini na lu chunga sakor achuang miring ngai na man se na; moi le ti laia kal nana manchoia; tenchu, mun ahui sabaka nana hong masuaka.

¹³Halbiang dali ngai le na ina lut ka tia; nanga ka chongtin ngai chu len ka ti.

¹⁴Ka murin ei rila, anpona ka om laia ka baiin ei ril ngai ha.

¹⁵Me mar sabak halbiang dali ngai na koma hong dar ka tia, beratang anhal marim hui le, serattang ngai, kel ngai le dar ka ti (Selah).

¹⁶Hong u ro, Pathian anchi dora, rangai u ro, hanke, kei damna ranga a sintho ha na manriat u ka ti.

¹⁷Ama chu ka mur le ka paia; ka maleia anpaka a oma.

¹⁸Ka malunga asanok tiang kan hoiten Puma na rangai pe no ni.

¹⁹Tenchu, Pathianin ana rangai pe tataka; ka borzongna rahu chu a rangai ke.

²⁰Pathian, ka borzongna anan tung pe na, ka chunga a lungkhamna hek lui ha, Anpaka om rase.