Read Ranglong SAM 75 Bible Online

SAM 75 - Ranglong bible

SAM 75

¹La ruaipu rang: Asafa Anpakna La Raisan chong nana mantung; O Pathian raisan chong nana mantung; na raming apaia, min na boidong sintho ngai aril u.

²Hun keia ruata han, adik, taka ruiril ka ting.

³Phil le achunga a om dora azoizita, a chopui chu koiin ka phun. (Selah)

⁴Omliak athei ngai kom, “A liak tho rei no ro,” ka tia. Mi salui ngai kom, “Na raki man tot rei no ro” ka ti sa na.

⁵Na raki chungtiang man tot rei no tan; na tubuk mankhir rei no ro.

⁶Ansangna chu sak lam ata ni mak, thang lam atam ni mak, sim tiang atam ni mak.

⁷Pathian chu ruirilpu ani na, aman chu angkhata rai a mansana, angkhat a mansang chachak.

⁸Puma kuta khuri a oma, uain abita; atei len pol abita, a buna, alelkhian tenpei mi salui ngai doran ne hiam unti.

⁹Hanum nisela, koiin chu umora man riattit ka tinga; Jakoba Pathian anpakna la tho ka ting.

¹⁰Mi salui ngai raki dora tan pe ka tinga; mi sing ngai raki chu ansanga om inti.