Read Ranglong SAM 76 Bible Online

SAM 76 - Ranglong bible

SAM 76

¹La ruaipu rang: Asafa Anpakna la Juda ngai kara Pathian anriata; a raming Israel ngaiin a manlian u na.

²A puanin Salema a oma, ei lengna Ziona.

³Hava han thal a khiaka; phocheng khendai, anduina ngai um. (Selah).

⁴Nang chu na liana ra-ang le na el, ralin ei lak sum siakna tanga han.

⁵Pasal arat ngai anruna azal u ei in u ha ei in hekna ei ni, ralrat ngaiin akut alang thei u mak.

⁶Nangin neia ngona, O Jakob a Pathian, sakor le sakor rot akual u.

⁷Nang rong hike anchirua, na tak asile tumo na matona anding thei rang?

⁸Na ruiril anvan ata na manriata; philin achina adairek.

⁹Phila antak atiar ngai rui aril ranga, O Pathian nan thui lai han. (Selah)

¹⁰Miring taksit nan ana manlian sana, na takasina azok ngai chu ahoia.

¹¹Chong tin u tanla na PUMA na Pathian u kom len u ro. Akola ram ngai doran nuampek hong choia ha anchirua ha pe rase.

¹²Aman ruiaril ngai ei rang u na masiat intia, ama chu phila reng ngai rang anchirua ani.