Read Ranglong SAM 79 Bible Online

SAM 79 - Ranglong bible

SAM 79

¹Asafa Anpakna La O Pathian namtin ana lua rang aluta. Na biakin anthiang a mannim u na, Jerusalem hi lung achim anbum anga asin u zei.

²Na suak ngai ruak chunga van ei sak ranga apek u na, na mi anthiang ngai ruak rama me asak ranga apek u.

³A thisen u Jerusalem kola ti anga alei u, aphum rang tute om maka.

⁴Na kola mi ngai na siat anril ranga nei om ani zei, na inkol ngai ero le manizeta ke nei om ani zei.

⁵O Puma umora na tak ei si chian rang mo ani zei? Na manar moi anga ei chuang rang mo?

⁶Nang na relui namtin chunga na taksitna lei ro, na raming pai lui ram ngai chungam.

⁷Jakob ngai chu asak sua u na, ei om u na chu aman ram u na.

⁸Na chipui ngai dik nokna koini chunga sur no ro; na lungkham nan anrapa na hongan tongpui rase, asik chu koini hi achan annuai ke na ni zei.

⁹O anan ratanpu Pathian, na raming lianna ranga na san ro; na raming sika na mazok ro, nei siatna ngai na mansai ro.

¹⁰Ichangamo namtinin, “Homo a Pathian ei ti u?” Na suak ngai thisen phuba nei lakna, koini mit muna namtinin re rase.

¹¹Anok ngai ei ankui u na na matona hong tung rase, nei thotheina sika athi rang anbetok ngai chu mazok ro.

¹²O Puma na siat ei ril u na ha, na kola mi ngai tak chunga thep sari na thuan ro.

¹³Hatuka koini na mi ngai na sul ringna na bera ngai umora na manpak inti; khuk tina nang anpakna manthei tir inti.