Read Ranglong SAM 8 Bible Online

SAM 8 - Ranglong bible

SAM 8

¹La ruaipu rang: David Anpakna La O PUMA, koini na PUMA, Phil chung dorana hin na raming chu asa ba nu! Nei anlianna chu anvan chunga na siaka;

²naite ngai le ranu a la nek ngai mura asuak han ratna na mandeta. Nang ana dui ngai sika; ral le phuba lakpu nei manmong theina rang.

³Na van, na kutsuak ngai, tha le arasi, a muna nei siak ngai, ka mandon kip lehin.

⁴Miring hi imo ei ni, nei riattit chachak? Miring naipasal um imo ei ni, nei poisak chachak? ka ti na.

⁵Ama chu Pathian neka annuai beta na sina; anlianna le anpakna na mankhu na.

⁶Na kut suak ngai chunga ningneina na peka; a ke thuaia alompeia na siaka:

⁷bera le serat ngai dora le, ani, ram sa ngai um;

⁸chungleng va le tipuiliana nga ngai tipuiliana lama kal achoi ngai le.

⁹O PUMA, koini na Puma, phil chung dora na hin na raming asa ba nu!