Read Ranglong SAM 81 Bible Online

SAM 81 - Ranglong bible

SAM 81

¹Asafa Anpakna La Anan ratpu Pathian anpaka la tho u ro, Jakob a Pathian anpaka ankhek u ro!

²Anpakna la tho u ro khuangte le, tingtang maring ahui, khuang hong choi u ro.

³Tha athar le bera raki tum u ro, na panta nikhua tha aril le.

⁴Israel ngai ranga chongpek ei ni, Jakob ngai Pathian dan ei ni.

⁵Hava ha Joseph ngai kara chong anriat ranga ei phun; Aigupta ram chunga ase lai han, ka chong riat nok ka kuarin ariat lai han.

⁶A dar u ata puak arik ka khaia, ei makhai u na kok ngai um ka pei pe na.

⁷Boidonga nana pai u na ka na mazok u; khuanri anthupna ata ka na masang u na, Meriba tina kana mansin u na. (Selah)

⁸O ka mi ngai, rangai u tan la na man re u ka ti: O Israel ngai ka he chu rangai zot u tan la!

⁹Ram atei Pathian na bil u na ei om thak rang nimak; mitei Pathian neia rok u rang nimak.

¹⁰Koi na PUMA na Pathian u ka ni, Aigupta ata ana ruai u ha; na bai man ang u tan la manbit ka ti.

¹¹“Tenchu ka mi ngaiin ka he rangai u maka; Israel ngaiin na dit u maka.

¹²A malung u ei ankhir sika ka mathana, ei zot u taka a om ranga.

¹³O ka mi ngaiin ka he rangaia, Israel ngaiin ka lampui ro u sela chu!

¹⁴A raldui u ngai chu mandok ka tia, amani adui ngai chunga ka kut a lek ka ti.

¹⁵PUMA an mumak ngai chu a makunga anbu unti; umora ansinsakna teng unti.

¹⁶Nangni chu bu anrum le na vai u ka ti, lunga khuaining le na mankhop u ka ti.”