Read Ranglong SAM 83 Bible Online

SAM 83 - Ranglong bible

SAM 83

¹Asafa Anpakna La O Pathian chong luia om no ro: O Pathian dairek no tan, Singansa luia om no ro.

²Enta, ana dui ngai anlai u; nang anan mumak ngai ahongan hoi u.

³Na mi ngai mairongtaiom athona maruaka ei anril u, na mi thup ngai tak chunga asiat changa achong u.

⁴“Hong u ro, anam anpei raka masiat u rei, Israel ngai raming hi riattita ei omlai nokna rang,” a ti u na.

⁵Malung munkhata chong maruk aril u, na chunga asia tho ranga chong antin u.

⁶Edom ngai le Israel ngai puanin, Moab ngai le Hagar ngai;

⁷Gebal ngai le Amon ngai, Amalek ngai; Philistia ngai, Tura khuana om ngai le.

⁸Asuria ngai um amani tiang akop u; Lot akhuk ngai asan u na. (Selah).

⁹Amani ha Midian ngai nei tho anga tho ro, Kison dunga Sisera le Jabin nei tho anga tho ro.

¹⁰Amani chu Endor khuana anpei u na; Phila ranok anpai anga anpei u na.

¹¹A milian u ngai Oreb le Zeeba anga man ni ro, a reng sapa u ngai Zeba le Zalmunna anga tho ro.

¹²Hava ngai han, “Pathian omna ha lua u rei,” ei ti u ha.

¹³O ka Pathian, amani chu philvut azuang anga sin ro; sarasi thinthin ei sema azuang anga.

¹⁴Ram moiin ei hal anga, tang akang moi an al anga.

¹⁵Amani ha na phaivua le razul ro, na phaivua le manchi ro.

¹⁶O Puma na raming eia rok u theina rang, amel u anzakna le mankhu ro.

¹⁷Umora mualphui ansak le boidonga a om u so le; mualphui ansaka anpei u rase.

¹⁸Nang rong hi JEHOVA raming anput, leilung dora achunga ansangkhit nei ni ei riat u theina rang.