Read Ranglong SAM 84 Bible Online

SAM 84 - Ranglong bible

SAM 84

¹La ruaipu rang: Kora mi ngai Anpakna La O Sipai ngai PUMA nei omna andit aruai ba!

²Kei dam nan PUMA biakin ankul akholai achan a rangaia, ani ei pong ke; ka malung le ka taksa Pathian adam akom ankhek.

³O Sipai ngai PUMA, ka reng le ka Pathian na maicham kola, vachekin rabu asina, vapuichomchok ngalin rabu aneia, a te ngai siakna rang.

⁴Na ina a om ngai chu borsang atung, nang chu na manpak u chachak inti. (Selah)

⁵Nanga ratna nei ngai chu borsang atung; a malung u na Zion lampui lian panna a om ha.

⁶Chapna phaichum a ro u na ti nar suakna muna asin u; roti chul mansa han borsangin amakhu chachak.

⁷Ratna ata rat riam nana ase u chachak, Zion a Pathian matona andar u chachak.

⁸O Puma sipai ngai Pathian ka borzong na rangai pe tan la; O Jakob ngai Pathian, sankuar lei sung ro. (Selah)

⁹O Pathian koini na pho khit, enta, sariak nei khua ha amel enta.

¹⁰Na biakin rakul sunga ni khat a om hi, ni asangkhat ateia om nekten ahui. Mi salui ngai puanina om nekten, Pathian ina suakkhar a ot ngal ka zot.

¹¹PUMA Pathian chu ani le pho ei ni; adika a om ngai rang chu asa hi manar ngai mak.

¹²O sipai ngai PUMA, nang ana iam chu borsang atung.