Read Ranglong SAM 85 Bible Online

SAM 85 - Ranglong bible

SAM 85

¹La ruaipu rang: Kora mi ngai Anpakna La PUMA na ram chunga na rai asana; Jakob ngai selkeia ei om u ata na makhir reta.

²Na mi ngai ei dik nok u na na maduala, ei masial u ngai na makhuna.

³Na taksitna dora na khai kiara; na takasi ata nan khaia.

⁴O anan ratanpu Pathian na makhir ret ro, koini chunga na takasi manbang ro.

⁵Koini chunga umora na tak ei si rang mo? Na taksitna chu khuk tina nei manlang rang mo?

⁶Nanga na mi ngai rai ei san theina ranga na manhian ret non mo?

⁷O PUMA, na lungkham hek lui ha na manmu ro; nei na ratanna ham na pe ro.

⁸PUMA Pathian a chong rangai ka ti; ami ngai le ami anthiang ngai kom phukdaina chong ei ril rang nin tia; tenchu amo changa anhoi u lai no rase.

⁹A sandamna chu ama anchi ngai kola a om nget chachak; koini na rama ei anlianna ei om theina rang.

¹⁰Lungkham le dikna antonga; satna le anngoina antum u.

¹¹Dikna chu phil ata ahong anchera; satna han anvan ata thuai tiang ahong ena.

¹²Ani, PUMAN imo asa ha pe inti; koini ramin imo among ha pe inti.

¹³Satna a matona ase, hatuka akal phetna rang lampui asin pe.