Read Ranglong SAM 86 Bible Online

SAM 86 - Ranglong bible

SAM 86

¹David Borzongna Rangai tan O PUMA, na masang ro, asik chu anriang le anang ka ni.

²Kei damna hi rung ro; Pathian andon mi kei ni; o nang ka Pathian, nang ana iam, na suak hi mazok ro.

³O PUMA, lungkham na mu ro; sun asot ka na pai chachak.

⁴Na suak hi arai mansan ro, O PUMA, asik chu na kom ke kei damna kei siak.

⁵PUMA, nang chu asa le, min dual na ni, ana pai ngai dora lungkham nei mu.

⁶O PUMA, ka borzong hin na kuar lei sung ro; lungkham kei zonga hin rangai ro.

⁷Ka boidong le na pai ka ti; asik chu na masang na ti.

⁸O PUMA, pathian ngai bila nang na ang om ngal mak, nei tho anga atho thei om mak.

⁹O PUMA, nam nei sin ngai dora hong untia, na matona anbu unti; na raming hong manpak unti.

¹⁰Nang chu na liana, boidong sin um na tho chachak: Nang rong hi Pathian na ni.

¹¹O PUMA, na lampui na manmu ro; na chonga om ka ti; na raming lalchi tho ranga, malung anpum na pe ro.

¹²O PUMA, ka Pathian, ka malung dora le na manpak ka ti; na raming hi umora manpak ka ti.

¹³Ka chunga nei na ditna hi alian; than khur anthuk khit ata nana mazoka.

¹⁴O Pathian mi ahian ngaiin ana dui u na; mi salui ngaiin ana that ranga ana rok u, nang hi amaton u na na siak u chachak mak.

¹⁵Tenchu, O PUMA, nang chu Pathian lungkham le abit andualna nei, ataksi len lui lungkhamna le iamrua bit nei ni.

¹⁶Ka tiang hong anhoi tan, lungkham na mu ro; na suak hi na ranak pe ro, na suak nu nai hi mandam ro.

¹⁷Nei satna ka tak chunga manlang ro; anan mumak ngaiin hava ha ei mu u na, mualphui ei ansakna rang, asik chu nangin nei na san, ka phuk nei mandai.