Read Ranglong SAM 90 Bible Online

SAM 90 - Ranglong bible

SAM 90

¹Mosia Borzongna PUMA, nang chu khuk doran nei na omna ke na ni.

²Tang ansiang man Leilung le phil anzir mana ata, umor ata umor tenpeia Pathian nei ni.

³“Nangin chu mi sing hi thinana na manse chachaka; riami raichoi ngai kir ret u ro na ti na.

⁴Nang na ranga chu kum asang ngal hi mizana se ang ke, zan choman ang ei ni.

⁵Amani chu tilian ei tan anga na man tana; insang khat bak ang keng, zinga chu chiak ancher ang u keng.

⁶Zinga chu adon annui asuaka, khului tiang chu achara athi.

⁷“Na taksitna na athina na oma; na taksitna le ansinsaka na oma.

⁸Nei dik nokna ngai chu na matona na re na, masial nei sip ngai um na ra-anga na siak zita.

⁹Na damsung ni dora hi na taksitna na ke ei hek; na damsung kum ngai um sim anga ke nei manhek.

¹⁰Damsung kum hi kum somsari, rivoi ansel ten kum somariat; hanum nisela, ei sotna chu apongna; le lunghangna duai keng.

¹¹Na taksitna sintho thei zia tumo ariat? Ei na chi u na rang khopa na taksitna tumo ariat?

¹²Damsung tel dan na manchu ro, hianna malung nei don theina rang.

¹³O PUMA, hong kir tan; ituktenmo na tak ei si rang? Na suak ngai rui ata na malung makhir ret ro!

¹⁴Azing tin, na lungkham chuailui le na mankhop ro, damsung raisan le phama nei om theina rang.

¹⁵Nei antak kum ngai dora ta, atun antak nei na pek ngai rathul raisanna na pe ro.

¹⁶Na sintho ngai na suak ngaiin mu rase; koini na nai ngai kom nei anlianna

¹⁷PUMA koini Pathian, na borsang ngai koini bila om rase. Nei tho ang peia zuina na pe ro!