Read Ranglong SAM 91 Bible Online

SAM 91 - Ranglong bible

SAM 91

¹Zokna ranga PUMA kom ase dora, Athotheikiar rungna thuaia aom doran,

²a kom ati thei, “Nang hi ana dui pui le ana rungpu. Nang hi ka Pathian nanga kan betok.”

³Aman changte sinpu chang ata le rikhua sanok ata na mazok inti.

⁴A mantha le na makhun ti; a mantha thuaia lut na tia; ei diknan na runga na dui pui inti.

⁵Zana anchirua chu achi no ta ni suna thal ahong um achi no ta ni

⁶azing kara ri chul achi no ta ni suna asanok ansiat ham achi no ta ni.

⁷Na kola asang anluai inti, na sira sasi anluai inti, ten nang chu na no ta ni.

⁸Ena mu na ti hontinmo mi salui ngai chunga phuban lak.

⁹PUMA chu ana duipui puna nei sin, ansangkhit ana runga nei sin,

¹⁰hasik han siatnan na ton no ni, rikhua tinin na in kola hong no ni.

¹¹Nang na lampui tina ana rung ranga Pathianin vanpalai ngai chong pe inti.

¹²A kut ule na madom untia na ke le lung nei pal nokna rang.

¹³Akoibaknei le marul chu athin na ti, akoibaknei arang le marul tur adon achil na ti.

¹⁴Pathianin, “Anan dit ngai mazok ka ti koi ana tel ngai rung ka ti ati.

¹⁵Ana pai ule masang ka ting; antak ule abil u na om ka ting. Mazok u ka tia lalchim tho ka ti.

¹⁶Dam sotna le ratpak pe u kating; mazok u ka ti.”