Read Ranglong SAM 94 Bible Online

SAM 94 - Ranglong bible

SAM 94

¹O PUMA, nang, phuba lakna rui adonpu Pathian; nang phuba lakna rui adonpu Pathian hong el ta ro!

²Nang phila rui arilpu, anthui tan; anphu ngai ei sial u hong manmu ro!

³Ituk asot ngal mo mi salui ngai rai ei san rang? Itukten ngal mo, PUMA?

⁴A chong papei u na, chong khang bong aril u asia tho ngai doran aninga anpak u.

⁵O PUMA, na mi ngai chu amakhui u na; na donglua chu amantak u chachak.

⁶Arong le sakangcha ngai athat u na hatuka, koini rama khual ngai athat u chachak.

⁷“PUMAN na mumak ati u; Israel Pathianin na veng mak ati u.”

⁸Ka mi ngai, ichangmo hidor pei nei mo thei u? Itik ngal mo nei anchu u rang?

⁹Pathianin kuar ana sin pe rethei mak mo? Mit ana sinpe muthei mak mo?

¹⁰Nam ngai ango sinsak no ni mo? Ama hi mi dora anchu hianna don no ni mo?

¹¹PUMAN miring mandon chu; Ite ni mak, ati na ariat.

¹²Puma, nei manchu miring chu ituk van asa mo, PUMA, nei manchu mi ngai chu van asa u keng!

¹³Mi salui ngai chulna rang dip anhuat sua man lunghang ansakna nikhuana, pong mansa na ti.

¹⁴PUMAN ami ngai chu sulkiang heng no nia; ami ngai chu ma no ni.

¹⁵Ruirilna chu adik taka anril intia, mandon adik achoi ngai doran hava ha zi unti.

¹⁶Tumo asanok atho ngai adui ranga anthui rang? Tumo asanok atho ngai ana dui pe ranga anding rang?

¹⁷PUMA chu ana sanpu ni no sela chu, ka nun hi anrappa thankhur azing pan sua zei ni.

¹⁸“Ka ke sir achai” ka ti lai han; O PUMA, na lungkhamna le keng nana lei maruai.

¹⁹Ka malunga achan kan don lai han, na phukdaina le ka nun rai na mansan chachak.

²⁰Asia thona mun, dan asia ansinna han, anmokna na don u ni mo?

²¹Mi sa atho ranga anbum u chachaka mi dik thisen chu adik noka amanchang u chachak.

²²Tenchu, PUMA chu ka rakul ansang ani na; ka Pathian chu kei anrungna le ka lungpui alei ni.

²³Amani ei masial u na man chu achung u na masul intia amani ei sa u nokna ngeta, anpei unti; PUMA na Pathianin la pei inti.