Read Ranglong SAM 95 Bible Online

SAM 95 - Ranglong bible

SAM 95

¹O hong u ro, PUMA anpaka raisan taka la tho u rei! Nei ansandamna lungpui anpaka raisana ankhek u rei!

²Pham chong arila amakunga se u rei, anpakna la athona ama anpaka raisan taka na rol tho u rei.

³PUMA chu Pathian alian sabak ei ni sika, Pathian dora chunga reng lian tak ke.

⁴Ama kuta han phil mun anthukpa ngai a oma, tang sip ansangpa ngai um a ta ke.

⁵Tipuilian hi a ta ke, aman ei sin ke; tang ngai um akut masuak ke.

⁶O hong u tan la, aman moka anbok u rei; Puma ana sinpu makung khuksabil tho u rei.

⁷Ama chu koini na Pathian ke; koini hi aran sul sakna muna mi le, akuta bera ngai ke nei ni. Avian hin a he lei re u tan la nu!

⁸“Meriba na ei tho u anga na malung mankhir u no ro, philchara Masa nikhua ang han.

⁹Hava lai han na khuk u ngai han ana mathem u na, ana mansin u na, ka sintho ha amu u na.

¹⁰Kum sommanli sung hava khuk ngai chunga han ka malung zot thei maka. ‘Aiamrua ni u lui sabak ani u! ka lampui ngai um re u mak,’ ka tia:

¹¹Hasik han, ‘Pong kei ansana na han lut u no ni,’ ” tina, takasina khomak kan sam zeia.