Read Ranglong SAM 97 Bible Online

SAM 97 - Ranglong bible

SAM 97

¹PUMA chu anlala ansuta, Phil hi raisana om rase! Mualanlan ngai chu raisana om rase!

²Ansum le azing ansapa chu aravela a oma; dikna le ruirilna dik chu areng chomphang ansutna ani.

³A matona moi a sena akola adui ngai chu akang kiar u chachak.

⁴A khuanlek han ramual hi a el u uara; philin a muna anchuna.

⁵Mual chu khuailiang anga PUMA matona aluanga, ramual dora PUMA matona han.

⁶Anvanin ei dikna chu tang ahai pui chachak, mitinin ei lianzia amu zei.

⁷Sinchop ramil ngai anmok dora mualphui ansaka om rase; ramil anlianpui ngai chu; nangni pathian ngai dora, ama amok u ro.

⁸Zion mualin ariata raisan a oma: Juda nainupang ngai um raisana oma, O PUMA, na ruirilna sika.

⁹PUMA nang chu phil chunga hin chungnungkhit na ni; nang chu Pathian dora chung vinga anliana na oma.

¹⁰O, PUMA andit ngai asanok mumak u ro, aman chu ami anthiang ngai damna chu avong rap chachak; amani chu mi salui ngai kut ata amazok chachak.

¹¹Mi dik ngai rang khua ahonga el chachaka, malung adik rang raisanna ahonga tung.

¹²Mi dik ngai PUMA phama om u tan la; a raming anthiang chu manpak u ro.