Read Ranglong SAM 99 Bible Online

SAM 99 - Ranglong bible

SAM 99

¹PUMA chu reng keng, mitin chu anchun annok rase. Ama chu cherub ngai chunga ansuta, phil chu annika.

²PUMA chu Ziona anlian anlala; namtin chunga ningneina dona.

³Amanin na raming alian le anchi om chu manpak rase; ama chu anthiang keng!

⁴Rengkhit ratna han ruirilna adita; nang chu mandang abui na mandeta; nang chu Jakob ngai bila rui na rila; dik taka na tho chachak.

⁵PUMA na Pathian chu manpak u ro; a patalung kola amok u ro! Ama chu anthiang keng!

⁶A chaizung ngai bila Mosi le Arona, a raming achin ngai bila Samuel; amanin chu PUMA chu apai u na, aman a masang chachak.

⁷Sumbua andinga amani kom chong arila, achong manriat ngai le chong ruat ei pek ngai chu azom u.

⁸O PUMA, koini Pathian, nangin amani chu na masanga; nang chu amani andualpu Pathian na ni, asintho u chunga phuba na lak ngalam.

⁹PUMA na Pathian chu manpak u ro, atang anthiang tiang amok u ro! PUMA na Pathian chu anthiang keng.