Read Ranglong MATHAIIN 1 Bible Online

MATHAIIN 1 - Ranglong bible

MATHAIIN 1

¹Isua Krista akhuk Ama hi David a sapa, Abraham a sapa.

²Abraham a sapa Isak, Isak a sapa Jakob, Jakob a sapa Juda le a parual ngai.

³Juda a sapa Peres le Zera Tamor a vona; Peres a sapa Hezron, Hezron a sapa Ram.

⁴Ram a sapa Aminadab, Aminadab a sapa Nashon, Nashon a sapa Salmon.

⁵Salmon a sapa Boaz Rahabi a vona, Boaz a sapa Obed Ruth a vona. Obed a sapa Jesai.

⁶Jisai a sapa David, Reng David a sapa Solomon arong, Uria nungak vona;

⁷Solomon a sapa Rehobom Rehobom a sapa Abija, Abija a sapa Asa.

⁸Asa a sapa Jehosaphet, Jehosaphet a sapa Joram, Joram a sapa Ujia.

⁹Ujia a sapa Jotham, Jotham a sapa Ahaj, Ahaj a sapa Hejekia.

¹⁰Hejekia a sapa Manase, Manase a sapa Ammon, Ammon a sapa Josia,

¹¹Josia a sapa Jekonia le a parual ngai.Babulon rama selkeia a om u laia nai.

¹²Babulon selkei ata a honga kir sua u le Jekonia a sapa Shealtiel, Shealtiel a sapa Zerubabel.

¹³Zerubabel a sapa Abihu, Abihu a sapa Eliakim, Eliakim a sapa Azor.

¹⁴Azor a sapa Zadok, Zadok a sapa Akhim. Akhim a sapa Elihud.

¹⁵Elihud a sapa Eliazar, Eliazar a sapa Matthan, Matthan a sapa Jakob.

¹⁶Jakob a sapa Joseph, ama hi Mari ruathar Mari vona Isua anzir Krista ha.

¹⁷Hantin han Abraham ata David tena khuk somleimanli David ata Babulon rama selkeia anruai tena khuk somleimanli hatuka Babulon selkei ata Krista tena khuk somleimanli.

¹⁸Hintin hin Isua Krista ei anzir, a nu Mari Joseph le anom rang chongtin anei le anlop u man Ratha Anthiang ata anrai ei ni ti ariata.

¹⁹A ruathar Joseph ei anzik sika ama ha mi ngai kom maimoka ei sin zot nok sika maruka amak rang ansin.

²⁰Aman hava ngai a mandon lai tak enro Puma vanpalai khat ama a ramanga a hong rila, “Joseph David anai, na nungak Mari a lak ranga achi no ro a vona anpiang so Ratha Anthiang ata keng hatuka naipasal mazir inti.

²¹Nangin ama raming ISUA phuan na ti asik chu aman a mi ngai a pap u ata mazok inti.”

²²Hiva ngai hi Deari ngaiin ei ril Puma chong ei kipna rang.

²³“Enro, ha nungak anthiang anraiin Naipasal mazir inti hatuka a raming Immanuel anphua inti” na malet ten hava omzia “Koini bila Pathian.”

²⁴Hatuka Joseph ei in ata insang alaka Puma vanpalaiin ei ril anga atho.

²⁵A nungak ha a laka naipasal a mazir man kar pei chu Josephin zal pui mak hatuka aman naipasal raming ha ISUA a phua.