Read Ranglong MATHAIIN 17 Bible Online

MATHAIIN 17 - Ranglong bible

MATHAIIN 17

¹Ni ruk suale Isuan Pitor, Jakob le a parual Johon ha abila anthim vanga mual ansang khata ase pui.

²Hava suale aman hangai makunga a mel anthula amai ani anga a ela hatuka a puan ra-ang anga ei var.

³Hatuka enta, Mosi le Eliza anmu u na amanin ama le achong u.

⁴Hava han Pitorin Isua ha, “Puma hivan nei om asa, na zot ten hivan chubuk anthum sin ka ti angkhat nang narang, angkhat Mosi rang hatuka angkhat Eliza rang,” ati.

⁵Ama achong lai tak hava han sum avarin hangai ha amanliana hatuka enro, ha ansuma han hiva chong hi ei anril, “Ama hi ka Naipasal madit hava han ka rai ei san, Ama he rangai u ro,”

⁶Ha chong ariat u na zolai ngai anbok u na hatuka achan ei achi u.

⁷Hatuka Isua akom u na ahonga hangai ha ei hong tona, “Anthui u ro achi u no ro,” ati.

⁸Hanke atang u na atei tute mu u lai maka Isua rong a om.

⁹Mual ata achum u le Isuan hangai ha hiva chong hi ei pek, “Miring Sapa athi bil ata anthui nok maseng, haten pei tute manthei u no ro,” ati.

¹⁰Hanke a zolai ngaiin ama ha ei rakel u, “Minchu ngaiin ichangmo Eliza mana hong inti ei ti u?”

¹¹Aman a masanga, “Ani chu ei ni, Eliza hong inti hatuka aloma sin sir inti.”

¹²Tenchu kei na ti ani u zei, “Eliza ahong sua zei ten min lei re mak haneka achunga ei zot ang tak pei ei tho u hantin ang han Miring Sapa ham amani ata ha antak tong inti.”

¹³Hava han zolai ngaiin ariat u zei aman hangai rang ha Baptispu Johon arui ei ril.

¹⁴Hanuk amanin mi ngai kom ahonga mi khat ama kom ahonga a ke bila ei ti.

¹⁵“Puma, ka naipasal hi lungkham mu ro asik chu ama hi rirangol adon achalaka antak aman zei. Asik chu ama hi moia, tia, ei chul reret.

¹⁶Hatuka na zolai ngai kom ka hong tuanga tenchu amanin mandam thei u mak,”

¹⁷Isuan a masanga, “O iam lui le lam tok lui! Ituktenmo na kom u na kei om rang? Ituktenmo na chung u na ni rase kei ti rang? Hivan ka kom hong koi u ro!” ati na.

¹⁸Hanuk Isuan ama ha a ngona hava han ha kachai ha ama ha a mathana ase hatuka pasal sanai ha hava len ata adam.

¹⁹Hava han zolai ngaiin maruka Isua kom ahong u na, “Ichangmo hiva nei man bang thei nok?” ati u.

²⁰Aman hangai ha ati pe, “Nei iam ei tom u sika asik chu ataka kei na ti ani u zei hoiro ru tiat ngal iamna na nei u ten nangnin sova mual so anthot ranga hivan ata sova son anthot ro na ti u ten anthot inti hatuka nei thothei nok ngal om u no ni.

²¹Tenchu angoia borzong rong ke anzul thei atei atho thei om mak.” ati.

²²Galili na munkhata a om u lai tak Isuan hangai ha atun, “Miring Sapa mi ngai kuta an pe inti.

²³Hatuka amanin ama ha that unti. Hanuk ninthum suale anthuiret inti hava ei riat u han achan a malung amanna u,”

²⁴Hava suale amani ha Kapernauma a hong ule lei ansuang ngai ha amanin Pitor a kom ahong u na, “Minchupu han lei pe mak mo?” ati u. Aman, “Apek” ati.

²⁵Hanuk ama ha ina ahong le Isuan mana ama ha ati, “Simon imo na mandon? Phil chunga reng ngaiin tu kom mo phai man ei lak u, a nai ngai kom mo ole mi tei kom mo?”

²⁶Pitorin, “Mi tei kom,” ati, “Asa” Isuan ati pe, hano nai ngai chu azok.

²⁷“Hanum koinin a malung u nei manna nokna rang tin dila se tan rakuai va pei ro hava han nga anok mansa ha surtan a bai na malong le dangka man na ti hava ha la tan ka rang le na rang le hangai ha pe ro.”