Read Ranglong MATHAIIN 2 Bible Online

MATHAIIN 2 - Ranglong bible

MATHAIIN 2

¹Herod reng huna Judai ram Bethlehema Isua anzir suale han sak ram ata mi hian ngai

²Jerusalema a honga, “Juda ngai reng ha hovanmo ei anzir? ati u asik chu sak rama ama arasi na lei muna anmok rang nei hong.”

³Hava chong ariata Herod reng anlaia ama bila Jerusalem doram anlai u.

⁴Hatuka aman chaizung ngai, Lekhanziak ngai ha a manchuna hangai ha a rakela, “Krista hovanmo ei anzir rang?” atia.

⁵“Judai ram Bethlehema” ati pe u. “Asik chu deari lekhana hintin hin anziak:

⁶‘Nang o Judai rama Betlehem nang hi Judai ram khopui aruai ngai bila sin khit mak che asik chu nang ata ha ulian ha anlang inti aman ka mi Israel manliang inti,’ ” ati na.

⁷Hanke, Herod ha mi hian ngai ha maruka akuia ha arasi ha hova huna mo ei anlang akom u na ei riat sadim.

⁸Hatuka aman hangai ha, “Bethlehema se u tan asadima ha naite ha varok u ro na mu uten na hong manthei u ro kei va mok theina rang.”

⁹Reng he ariat u na ase u hatuka sak rama arasi ei mu u ha a maton tir u na ase, nukhona naite ei om na chung taka ava ngir.

¹⁰Arasi ha amu u na raisan sabaka a rai ei mansan u.

¹¹Hatuka in sunga ase u na naite ha a nu Mari bila amu u hanke anboklaka amok u na anei kok akheka rangkachak bero le marim hui ei pek u.

¹²Hatuka Herod akom ei kir u nokna ranga ramang aphan u na lam atei tiang a ram u na ase u.

¹³Ase sua u le enta Puma vanpalai khat Joseph a ramanga anlanga, “Anthuia naite le a nu ha a tuanga Aiguptana rot pui ro. Ka na ril ret man kar pei chu hava han om u ro asik chu Herod in naite ha athat ranga arok inti,” atia.

¹⁴Hanke Joseph anthuia zan zana naite le a nu atuanga Aiguptana ase.

¹⁵Hanke Herod ei thi tenpei hava han ei om ei kipna Dearin ei ril Puman hiva chong ei kipna rang, “Aigupta ata ka naipasal ka paia ka hong tuang.”

¹⁶Hatuka Herod, mi hian ngaiin ei tel lai nok ha ariata a takasi sabaka ha mi hian ngai kom ei riat ang han kum anni athuaia pasal sanai Betlehem le a rikung kola om ngai dora han mi atira a manthat zit.

¹⁷Hava han Jeremia Dearin ei ril hiva chong ei kip:

¹⁸“Ramana a rasa anthang zei achan ankheka achap. Rakil a nai ngai ranga achap zeia phukdai zot mak asik chu hangai ha athi u.”

¹⁹Herod athi suale han Puma a vanpalai khat Aiguptana Joseph a ramanga ei ril.

²⁰“Anthui ro naite le a nu ha ruai tan Israel rama se ro, asik chu naite that rang ati ngai ha athi u zei,” ati.

²¹Hanke anthuia naite le a nu tuanga Israel rama a hong.

²²Tenchu Arkelaus a pa Herod a sutmuna Juda rama reng ei kai ariata ase rang a china hava suale a ramanga ase na chong ariata amana Galili biala ase u.

²³Hatuka Nazaret khuana a sena ava om. Dearin ei ril hiva chong ei kip ama hi “Nazareta anti inti.”