Read Ranglong MATHAIIN 28 Bible Online

MATHAIIN 28 - Ranglong bible

MATHAIIN 28

¹Pongansa nikhua ahek le hapta nikhua mansa ani suak aphuta, Mari Magdalini le hanuk Mari than a en ahong u.

²Hanke enro, ninun rikpa anlaiseka ahong raka asik chu Puma a vanpalai khat anvan ata ahonga chuma, ha lung akhai pe na hatuka a chunga ansut.

³Ama a mel sumansai ang hatuka a puan arial ang avar.

⁴Ama anchia a rung ngai ha annok u na athi ang ei ni u.

⁵Ha vanpalai, nupang ngai ha ei ti pe, “Achi u no ro asik chu ka na riat u, Krosa thipa Isua neia rok u.

⁶Ama hi hivan om lai mak, asik chu anthui zei, ei ti anga hong u ta Puma ei zalna mun so hong en u ro.

⁷Hatuka anrapa se u tan, a zolai ngai ril u ro ama hi athi ngai bil ata anthui zei enta na maton u na Galilia ase zei, sovan va mu un na ti, en u ro kei na manthei ani u zei.”

⁸Hava han amani anchi le raisana anrapa than ata asuaka, a zolai ngai thang abang ranga atana ase u.

⁹Hanuk enro, Isuan hangai ahong depa, “Phukdaina don u ro,” ati hanke ahong dep u na a ke asur u amok u.

¹⁰Hanke Isuan hangai ha, “Achi u no ro, ati pe ka parual ngai va manthei u ro, Galilia se u rase hava han na va mu unti.”

¹¹Amani ase u lai tak arung ngai bila khuana ase u na, hongmo ei ni hava ngai dora chaizung ngai ha ei ril u.

¹²Hanke kho ulian ngai bila anchun u na ei anril u, hanke ha sipai ngai ha sum atampa apek u.

¹³Ei ti pe u, “A zolai ngaiin na in kara zana ahong maruk viak u ti u ro.

¹⁴Hatuka hiva chong hi ram a oppun ariat ten koinin manthei intia, hatuka antak nei teng u rang ata na huai bo mani.”

¹⁵Hanke hangai ha sum achoia ei manchu u anga hava anga atho u, hatuka Juda ngai bila hava ruia asip zita hava ha avian tenpei ala om.

¹⁶Hava suale zolai somleikhat Galilia Isuan ei aruat muala ase u.

¹⁷Hatuka ama amu u na amok u, ten hohonmo chu iam u maka.

¹⁸Hanke Isuan ahong depa hangai le ei chong hintin hin ei ti, “Anvan le phila ningneina dora ka kom anpek ke ani zei.

¹⁹Hasik han se u tan, namtin ha zolaia va sin u ro, Pa le Naipasal le Ratha Anthiang raminga hangai ha baptisma va pe u ro.

²⁰Hatuka chong kei na pek u ngai apom rang manchu u ro. Hatuka en u ro hun hek tenpei na bibil u na om chian ka ting,” ati.