Read Ranglong MATHAIIN 3 Bible Online

MATHAIIN 3 - Ranglong bible

MATHAIIN 3

¹Hava han Baptispu Johon a suaka Judai philchara chong arila.

²“Malung makhir u ro asik chu vanram a nai zei,” ati.

³Hiva mi hi ani Isai Dearin hia chong hi ei ril, “Philchar rama mi he khat ankheka, ‘Puma lampui sin u ro; a reng lampui ngai manzik u ro,’ ” ati.

⁴Johon makingkang mul puan ei rasil a konga mevun le ankhita khairakuak le ram khuaining ei sak.

⁵Hanke Jerusalem dora Judai ram hatuka Jordon kola adep ngai ata mi asuaka a kom ase u.

⁶A pap u ngai andara Jordon dunga akom baptisma achang u.

⁷Tenchu Pharisi le Saduki baptisma alak ranga ei hong u a muna hangai rang han ei ti, “O marul chi ngai na matona taksitna rang ata arot ranga tumo ana ril u?

⁸Hantin han malung thulna dika anra u ro.

⁹Hatuka na malung u na mandon u no ro. Abraham koini na pa ten kei na ti ni u zei Pathianin hi lung ngai ata Abraham a rang nai a manpiang thei.

¹⁰Hatuka atun len thingkung ngai bula rei akop keng hasik han thing amara asa nok tak chu hava ha tuka moia anpei thei.

¹¹“Malung thulna rang tina baptisma ka na pek u na ten ka nuka a hong ka neka ranak a nei a kekok a pelrua ngal ni makung aman Ratha Anthiang le moia baptisma na pe unti.

¹²A tiangkerel a kuta a om hatuka a rimun rathial inti hanke a sasiara bu hong bun inti tenchu arasi chu thi lui moia hal inti” ati.

¹³Havatak han Isua Johon akom baptisma achang ranga Galili ata Jordona akoma a hong.

¹⁴Tenchu Johonin alei khara, “Na kom ke baptisma kei lak dan ten ka kom nei hong ichangmo?”

¹⁵Tenchu Isuan a masanga, “Zot ro asik chu hintin hin dikna tin reng amang hi koini rang asa,” ati pe hanke ala zot pe.

¹⁶Hatuka Isua baptisma a changa ti ata anthuia enro ama ranga van anlonga aman Pathian Ratha ha pharvali anga a chunga a hong ei mu.

¹⁷Hatuka enta anvan ata hiva he hi ei ni, “Hiva hi ka Naipasal madit ama han kei zot.”