Read Ranglong MATHAIIN 5 Bible Online

MATHAIIN 5 - Ranglong bible

MATHAIIN 5

¹Mi tampa a muna tangsipa a kala ansut sua le a zolai ngai ha a koma hong u.

²Hava han a mur a malonga hangai ha a manchu.

³“Ratha sika anriang ngai chu, achanasa u vanram a ta u keng!

⁴Lunghang achul ngai chu achanasa u phukdaina laman unti!

⁵Annuai ngai chu achanasa u ram la lua unti!

⁶Om anzik ranga ancham anral ngai chu achanasa u la khop unti!

⁷Lungkham anei ngai chu achanasa u Lungkham la man unti!

⁸Malung anthiang ngai chu achanasa u Pathian la mu unti!

⁹Minngoi ngai chu achanasa u Pathian sanai lan ti unti!

¹⁰Dikna sika pengsom atong ngai chu achanasa u vanram chu a ta u keng!

¹¹“Min ka sika ana matira ana rahoka hatuka, milak athona na chung u na chong asiat tin aril u ten na chanasa u.

¹²Na raimansan u ro na ak mathui u ro asik chu vana na ratpak u rang atam asik chu na man u na Deari ngai ha hantin han ei rahok u.

¹³“Nangni hi phila machi, machi ei al ahek ten hontinmo ei man al sir rang hatika chu itena amang samak nei peia min eia thin mai rang keng.

¹⁴“Nangni hi ramuala ra-ang, mual chunga khua anthup thei mak.

¹⁵Hatuka min lem bela razai thuaia remak tenchu lem chuangna chunga ke ei re hanke ina mi dora ei el.

¹⁶Hava anga na ra-ang u mi makunga el rase hanke asa nei tho ei mu u na vana na pa u ei manpak u rang.

¹⁷“Na riti le deari chong ngai ansiata hong na iam u no ro ansiata hong ni makung ankhip ranga hong ke ka ni.

¹⁸Asik chu ataka kei na ti ni u zei anvan le phil anpei man chu na riti Dan aher matinhang rual ngal anpei no ni chuk kiar inti.

¹⁹Hantin han chongpek asin khit ngai bila angkhat ngal akhel ten hatuka hantin han a manchu ten vanrama asin khit anti inti ten hava ngai azi le anchu tak chu ha mi ha vanrama alian ni inti.

²⁰Kei na ti ni u zei minchupu le Pharisi ngai neka nei anzik u na atam nok ten vanrama lut pial u no ta ni.

²¹“Nei lei riat u mana mi ngai koma nei lei man u ‘Mi that no ro mi that tak chu choina nei inti.’

²²Tenchu kei na ti ni u zei a parual a takansi tak chu a rui anril inti. Hatuka a parual rang amo ati tak chu ruirilna anchunna muna choina man inti, ‘achang’ ati chu moi phenengna muna chul inti.

²³Hantin han maichama dali na va dar tik hava mana nang na sika na parual khat chong a om na malung achui ten.

²⁴Hava muna maicham kola na dali matan se ro na parual le van ngoi bak ro, hava suale na dali va dar ro.

²⁵“Anan ngoi puinok mi le lampuia nan lop tik anrapa anngoi pui ro hano ruirilpu kuta ana peka aman raimol anlek ngai kuta na pe inti hatuka lungina na khum inti.

²⁶Ataka kei na ti ani zei holte khat ngal na thuan zit nok maseng pei havan ata suak thei no ta ni.

²⁷“ ‘Uire ngai makme,’ nei lei riat u.

²⁸Tenchu kei na ti ni u zei rualnei ena nupang tiang a en tak chu hava han a malunga uiare ke ani zei.

²⁹Hatuka na chang mitin ana manba ten hava ha kela alana pei ro asik chu na pum dora anphenengna muna achul nek ten na bang khat ansam rang asa.

³⁰Hatuka na chang kutin ana manba ten hava ha tana alana pei ro na pum dora anphenengna muna ase nek ten na bang khat ansam rang asa.

³¹“Hatuka nei lei riat u, ‘A nungak amak ten makna lekha pe rase.’ “

³²Tenchu kei na ti ni u zei uire luia asik ateia a nungak a mak tak chu ui ei man re hatuka anmak nu alak tak chu amam uiare keng.

³³“Hanuk mana mi ngai kom nei lei riat u, ‘Milak khomak ansam u no ro tenchu Puma sika na khomak ansam u len u ro.’

³⁴Tenchu kei na ti ani u zei khomak reng ansam u no ro vanram le ansam u no ro asik chu hava ha Pathian a chomphang keng, hanuk phil le khomak ansam u no ro asik chu hava ha ama a kepha siakna keng.

³⁵Hatuka Jerusalem le khomak ansam u no ro asik chu hava ha Reng lian khopui keng.

³⁶Hatuka na lu le khomak ansam u no ro asik chu na sam sang khat ngal manngui manhang thei u mak che.

³⁷Tenchu na chong u ha ‘mang ha mang’ ni rase.

³⁸“Mana nei lei riat u, ‘Mit thuanna mit, ha thuanna ha.’

³⁹Tenchu kei na ti ni u zei asiat ngai dui u no ro hanek ten na chang maikhang ana ben ten na voi maikhang do u ro.

⁴⁰Hatuka nang lehan ruirilna mun tenpei anan sual puia na zani lak zot ten na kultai pe sa ro.

⁴¹Mel khat na se pui ro tia anan ziai tak chu mel anni se pui ro.

⁴²Ana zong tak chu ama ha pe ro, apuk ana zong tak chu ama ranga na mai manzing no ro.

⁴³“Mana nei lei riat u, ‘Na in kol mi adit u tan ananmumak ngai hela ro.’

⁴⁴Tenchu kei na ti ni u zei anan mumak u ngai adit u ro anan rahok ngai rang borzong pe u ro.

⁴⁵Hanke na Pa u vana mi a nai nei ni u rang asik chu aman asiat asa mi ngai chunga ani a masuak minzik le minzik nok ngai chunga rua a masul.

⁴⁶Asik chu anan dit ngai duai nei adit u na imo phamman nei man u rang? Lei ansuang ngaiin um hava chu atho do.

⁴⁷Na parual ngai chip na pham un imo aliak na sin tho u Jentail ngaiin um hava ang chu ei tho ni u mak mo?

⁴⁸Hantin han vana na Pa u ei dik anga nang nim dik u ro!