Read Ranglong MARKIN 15 Bible Online

MARKIN 15 - Ranglong bible

MARKIN 15

¹Hatuka zinga atar ulian ngai Lekhanziak ngai chaizung ngai le rui an rila Isua ha a khita a ruai u na Pilata kom a pek u.

²Hanke Pilatin ama ha a rakela, “Nang hi Juda ngai reng mo na ni?” A masanga ati pe, “Nang ke ati.”

³Hanke chaizung ngaiin ama ha ei masiat sabak u.

⁴Pilatin a rakel reta, “Ite masang non mo enta, itukmo ei na masiat u.”

⁵Tenchu Isuan ite masang lai mak hava han Pilat a chang aman donga.

⁶Panta tik pei aman mi ngai ranga angkhat lungina ankhum ei mazok ei zong u tak ha.

⁷Hava han Barabba tia mi khat asel ngai bila ankhum ei sel a mim ei that.

⁸Hava han mi ngai ha achunga akal u na amani ranga ei tho rang ha ava zong u.

⁹Pilatin a masanga hangai rang ati pe, “Nangni ranga Juda reng mazok ning mo na zot u mo,” ati.

¹⁰Asik chu chaizung ngaiin mumak sika ei hong pek u keng atia aman a riat.

¹¹Tenchu chaizung ngaiin mipui ei man changa amani ranga Barabba zokna rang azong u.

¹²Hatuka Pilatin a masang reta hangai rang ei ti, “Hanle nangnin ril u ta Juda reng nei ti u ha imo kei lot rang,” ati na.

¹³Ankhek ret u na, “Ama ha Krosa pe ro,” atia.

¹⁴Pilatin, “Ichangmo? Aman imo ei masial,” ati. Tenchu ankhek sabak u na, “Ama ha Krosa pe ro,” ati u.

¹⁵Hanke Pilatin mi ngai ei zotna ranga ei vala amani rang Barabba ei mazoka Isua ha zema Krosa pek rang a betok.

¹⁶Hatuka sipai ngai ha reng in sunga tuala ama ha a tuang u na sipai ngai dora anpai u na munkhata anchun u.

¹⁷Hanke senduk puan aman sil u na raling lukhu a phana a lu na a mankhu u.

¹⁸“Chibai Juda ngai reng,” tina amok u na.

¹⁹Luangsar kuang le a lu a zem u na a machil u na mankhuk abila amok u.

²⁰Elsekara atho sua u le senduk puan a khek u na ama puan den aman sil u. Hatuka Krosa apek ranga tual panga a tuang u.

²¹Hatuka Simon ati na mi angkhat Kurini khua ata a honga ama ha Alekzandar le Rupha ngai a pa u ama ha Isua Kros anput ranga a sur u na a manput u.

²²Hatuka amanin ama ha Golgotha muna atuang u hava mun raming omzia chu “Luru mun” ei ti na.

²³Hatuka amanin ama ha mura marim tin chel Gerep ti a pek u na tenchu nek mak.

²⁴Hatuka ama ha Krosa apek u na a puan ansem u tumo, imo ei lak rang ei mandang u na ranga thum a deng u.

²⁵Isua Krosa ei tar u ha dar akua tang ani zei.

²⁶Ama chunga masialna Lekha anziak a tar u: “JUDA NGAI RENG” atina anziak.

²⁷Hatuka ama bila mi that anni Krosa apek u angkhat achang tiang angkhat avoi tiang.

²⁸Hatuka ha lampuia mi anloi ngai han a lu a hir u na.

²⁹Ama a ero u na ati u, “Nang ke Pathian Biakin a siama nin thuma a sin.

³⁰Atun ansan tan Kros ata chum ro.”

³¹Hantin han chaizung ngai Lekhanziak le ama ha elsekara na ei ti u, “Hiva mi hi mi tatei asan thei a, ansan thei mak.

³²Krista Israel reng nei muna nei iam theina ranga Kros ata hong chum ro,” ati u. Hatuka a bila Krosa anthoi ngaiin um a ero u na adem u.

³³Ani sunchim ata azing khap dar anthum tenpei

³⁴Dar anthum ten honga ni le Isua ankheka ei ti: “Eloi Eloi Lama Sabakthani?” na malet ten a omzia chu, “Ka Pathian, ka Pathian ichangmo nei namak?”

³⁵Hava han a depa anding ngai bila hohonmo ariata ei ti, “Eliza a pai zei, rangai u ta,” ati u.

³⁶Hatuka mi angkhat atana uain athur sponz le anbuang rang a peka, “En di rei, Elizan a masum mo, masum mak mo,” ati.

³⁷Hatuka ankhek sabaka anuk a chata a thi.

³⁸Pathian Biakina puanzar a chung ata athuai tenpei antheta anni a chang.

³⁹Hatuka raza ruaipu ha a kola anding han a muna hantin han Isua a rang ei chat hava han ei ti, tak taka Pathian Sapa keng.

⁴⁰Nupang sen khatin um alapa ata alei en u hangai ha Mari Magdalini naipang Jakob le Jose anu Mari hatuka Salomi ani u.

⁴¹Galilia a om lai han hiva ngai hin ama anu nuk a zi u na ama dorbo ei dom u nupang atei um a tampa hava han a om ama bila Jerusalema a hong ngai ha.

⁴²Hatuka zan azing le hava nikhua ha ansinna ni pongansa nikhua mana ni atia.

⁴³Arimathai Joseph atia mi khat Ruiril ulian a honga ama aningam Pathian ram ei ot, aman angam sabaka Pilat akom asena Isua ruak ava zong.

⁴⁴Ten Isua anrapa hantin han ei thi ha Pilat a chang ei man dong.

⁴⁵Hatuka raza ruaipu kom arila Joseph ha a ruak apek.

⁴⁶Josephin zani khat a rachoka ava masuma ha zani le atuama lung ankhuar than khata ava phuma hatuka than makota lung khat aman del.

⁴⁷Ama ei siak u na mun ha Mari Magdalini le Josi anu Marin amu u.