Read Ranglong MARKIN 16 Bible Online

MARKIN 16 - Ranglong bible

MARKIN 16

¹Pongansa ni ase suale Mari Magdalini Jakob a nu Mari le Salomi marim hui a rachok u na ei vakhua u ranga.

²Hatuka hapta ni mansa nikhua hangai ha zing sabaka ani suak le than kola ase u.

³Hangai ha amani le amani a chong u na, “Than makot a lung tumo anakhai pe rang?” ati u.

⁴Hava lai tak a en u na ei mu u lung ha ankhai zei hava ha a chan alian.

⁵Hanke hangai ha than sunga ase u na ei mu u sim tiang chang puan angui ansila ruathar khat ansuta a om hava han hangai ha a malung a zing u na.

⁶Aman hangai rang ha ei ti, “Na malung man zing u no ro, Nazaret Isua nei a rok u Krosa a thipu ha ama hi anthui zei hivan om lai mak enta, hiva hin ei ansiak.

⁷Tenchu se u ro a zolai ngai le Pitor ha va ril u ro ama ha nangni matona Galilia ase zei ei na ril u anga han hava han va mu un na ti.”

⁸Hanke ei suak u na than ata ei rot u asik chu annok anchun u na a malung ei zing u hatuka amanin tute kom ite ril u mak ei achi u sika.

⁹Hapta nikhua mansana Isua zinga anthui le mankhita Mari Magdalini anmu puia ha kachai sari ei rasua na ha.

¹⁰Ama asena Isua bila om chachak ngai le athi anngaia ningbuia a leia chap ngai kom ava manthei a.

¹¹Tenchu Isua ahonga dam reta aman ei antongpui ti chong ha amanin iam thei u mak.

¹²Hava suale amani bila mi anni khua tianga apan ngai koma mel atei adona amani koma anlang reta.

¹³A se u na atei ngai doram hava ha amanthei u tenchu a he u iam pe thei u mak.

¹⁴Hava suale ha somleikhat ngai bu aneka ansut u na a kom u na han ei anlang pe, hatuka amani ei iam u nok le a malung ei anchang sika chunngo chu a tho na, asik chu anthui suale ama amu ngai he ei iam u nok.

¹⁵Hatuka aman hangai ha ei ti pe, “Ramual pumpuia se u tan ansin ngai kom thangahui va ril u ro.

¹⁶A iama baptisma a chang tak chu sandam man inti ten a iam nok tak chu asia anlona om inti.

¹⁷A iam ngai chu ei andangna rang hiva ngai hin zin ti, ka raming le kachai not inti chong atha thar le chong unti.

¹⁸Marul sur unti hatuka thina tur abuangam hava han ite siat u no ni ana ngai chunga a kut dap unti na mandam unti.”

¹⁹Amani le chong aril suana Puma Isua chung van tianga a kala Pathian chang tiang ansut.

²⁰Hatuka ase u na muntina ava ril u hatuka Puman abibil u na sin a thona a nuk a zi andangna ngai lehan ei mandet u Amen.