Read Ranglong MARKIN 8 Bible Online

MARKIN 8 - Ranglong bible

MARKIN 8

¹Hava hun ngai han mi tam sabak a om ret u na a sak rang ite ei nei u nok lai han ama han a zolai ngai akom a paia.

²“Mipui ngai hi nin thum pei ka kom a om u zei a sak rua ite ei nei u nok.

³Bu nek luia a in u na ka makhir u ten lampui a anvuai tham unti senkhat vang chu ei hong u na ala la sa,” ati.

⁴Hatuka a zolai ngaiin, “Hi philchara tumo hovana vaipol le mo nei man khop thei rang?” atina ama ha a masang u na.

⁵Hatuka aman, “Vaipol tap hotukmo na nei u?” tina hangai ha a rakela hatuka hangai han, “Tap sari,” ati u na.

⁶Hatuka mipui ngai ha phila ansut ranga chong a peka hanke vaipol tap sari ha alaka raisan chong ril suana a khiaka a maton u na ei sak u na ranga a zolai ngai kom a pek hatuka mipui matona asiak u na.

⁷Hanuk chu nga sin atom tem a nei u, hatuka aman bor a pek pe na a maton u na ei sak u na rang a pek.

⁸Hantin han asak u na a khop kiar u na ei sak sua u nok anniang akiak a kui kok sari a man bit u.

⁹Hangai ha asang manli pei ani u hatuka aman hangai ha aman chin.

¹⁰Hatuka aman a zolai ngai kom rakuanga ava chuang lena Dalmanutha rama ava tung.

¹¹Hatuka Pharisi ngai a honga suak u na ama ei man sin u na ranga a koma anvan ata riattheina andangna anroka ama ha ankhal pui u.

¹²Hatuka aman phukpui a laka, “Ichangmo atun taka mi ngaiin andangna ei a rok u atataka kei na ril u ni zei atun taka khuk ngai kom hin andangna reng anpe no ni,” ati.

¹³Hatuka hangai ha amaka rakuanga a chuang reta varal tiang ase.

¹⁴A zolai ngaiin vaipol a choi a mangil u na rakuanga angkhat dak baka chu vaipol nei u lai mak.

¹⁵Hatuka aman a kom u na, “Pharisi ngai chol le Herod a chol ata anrung u ro,” ati tit a.

¹⁶Hatuka amanin chu, “Vaipol um nei nei nok,” atia ankhal u na.

¹⁷Hatuka Isuan hava ha a lei riata hangai ha ei ril akom u na, “Ichangamo vaipol nei don u nok sika nei an don u? Atun um na malung u na nei la riat u nok mo? A tho chang ngal nei la riat u nok mo? Na malung u ei lan khir tit mo?

¹⁸Mit na nei u na mu u mak che mo? Kuar na nei u na re u mak che mo? Na malung u na ngal chui u mak mo?

¹⁹Mi asang ranga bila vaipol tap ranga ka sem lai han adi anoi ha kok itukmo anniang,” atia. Hatuka amanin akoma, “Somleianni,” ati u na.

²⁰“Hatuka asang manli bila sari ka khiak lai han adi anoi kok itukmo anniang nei riat u?” ati. Hatuka amanin a kom han, “Kok sari,” ati u na.

²¹Hatuka aman a kom u na, “Atun um nei la riat bang u nok mo?” ati.

²²Hatuka Bethsaida khuana ava suak u na a kom mitacho angkhat a hong ruai u na aman ei ton ranga a mathem u na.

²³Hatuka mitacho kut ha a sura kho tualpanga a ruai a a mit a machil pena a chunga a kut a dap suana, “Na mu mo thei zei,” atia rakela.

²⁴Hanke achopa ha chung tiang atanga, “Mi ka mu thingkung anga kal achoi.” atia.

²⁵Hanke aman a mit chunga a kut adap ret hanke andinphita ei la mu, hatuka ei la dam anthiang vanga aloma ei mu.

²⁶Hatuka aman ama ha a ina aman se na ei ti pe, “Hiva khuana lut ret no ro.” ati pe.

²⁷Hava suale Isua le a zolai ngai anphet u na Kaisari Philipi biala khotina ase u, hatuka lampuia a zolai ngai a rakela, “Koi hi tumo ka ni min imo a na ti?” atia.

²⁸Amanin ama rang ati u, “Johon Baptispu a na ti a oma, hohonmo chu nang hi Eliza, hohonmo chu deari bila angkhat,” ati u.

²⁹Aman hangai ha a rakela, “Nangnin le imo na na ti u? Koi hi tumo ka ni?” Pitorin a masanga, “Nang hi Krista na ni.” ati.

³⁰Hanke aman a rui ha, “Tute manthei u ta ni,” atia khar tita.

³¹Hanke, “Miring Sapa han antak tin tuar inti ulian ngai, chaizung ngai, Lekhanziakpu ngaiin ama pengsom unti that unti. Hatuka nin thum suale anthuiret inti,” atia a manchu na.

³²Hiva chong hi anthiang vanga arila hava han Pitorin ama rang a kom a tuanga chunngo tho na.

³³Tenchu anhoi a ama a zolai ngai tiang a ena Pitor ha chunngo a thona ei ti pe, “Ka kom ata ankhai ro, Soitan asik chu Pathian ata hava ha ni mak tenchu miring ata ke nei mandon.” atia a ngo.

³⁴Hatuka ama a zolai ngai bila mi doram a paia ei ti, “Ka nuk azi zot tak chu ei antak rang poisak lui a athei a a Kros raputa na zi rase.

³⁵Min ei damna annar tak chu machan inti ten koi le thangahui sika ei damna anchan tak chu zok inti.

³⁶Hanle min ramual pumpui amana ei damna a machanin imo ei lokna rang?

³⁷Hanle min anuk rathula imo ei pek thei.

³⁸Asik chu atun taka uiare ngai mi salui ngai koi le ka chong anzakpui chu Miring Sapan ama ha anzakpui inti, vanpalai anthiang ngai bila a Pa lianna le ahong tik.”