Read Ranglong LUKIN 12 Bible Online

LUKIN 12 - Ranglong bible

LUKIN 12

¹Mipui asang asetin ava buma ake anthin u na, Isuan a zolai ngai kom ati mansana, “Pharisi ngai ata anrung u ro.

²Anthup dora anlang inti, maruk dora anriat inti.

³Hasik han azing kara nei ti ngai ha ani ra-anga lan riat inti, na insunga maruk nei ti ngai ha, inchung sipa lan khek inti.

⁴“Ka lom ngai kei na ril u ni zei taksa that thei ngai achi u no ro nangkan haneka ei tho thei om mak.

⁵Tumo anchirua na manmu u ka ting; Pathian achi u ro, anathat suale ansinsakna na anapei thei. Na iam u ro, ama ha ani nei achi u rang!

⁶“Vachek ranga ha dar sum anni na anzuar nimak mo? Hanum ni rase Pathianin angkhat ngal mangil mak.

⁷Na lu u na sam dora antel zit keng hasik han achi u no ro; vachek atampa neka alu keng na ni u!

⁸“Mi matona koi ana riat ngai chu, Miring Sapan um Pathian vanpalai ngai matona hantin han ti inti.

⁹Tenchu mi matona ana heng ngai chu Miring Sapan um heng inti Pathian vanpalai ngai matona.

¹⁰“Miring Sapa siat aril chu lan dual thei inti; tenchu Ratha Anthiang siat aril chu andual no ni.

¹¹“Sinagogue, ruirilpu, ulian ngai matona ankel ranga ana tuang u le hontinmo nei anrung u rang imo nei ti u rang andon u no ro.

¹²Hatika Ratha Anthiangin na manchu u bo ni imo nei ti u rang.”

¹³Mipui kara mi khatin Isua kom atina, “Minchupu, ka parualpa kom na ril pe ro ka pan donglua ei mak a nan sempui ranga.”

¹⁴Isuan a masang, “Ka mal, nangin azek rang le ana sem u ranga tumo thotheina ana pek?”

¹⁵Achong tira arila, “Ningol ata anrung u ro; asik chu nei damna hi nei suana ata nimak ituk ngal mo nei ro ke.”

¹⁶Hatuka Isuan hiva ankhina aril, “Anei khatin ram adona achan anmur anna mara asa.

¹⁷Atheia andona, ‘Mun don making ka anna mara siakna, imo kei tho rang?

¹⁸Hintin hin tho ka ti,’ anti, ‘ka sasiar masiam ka tinga alian ual sin ret ka ti, hava han ka bu le atei atei siak ka ti.

¹⁹Hatuka ka theia, ravan asapa! anti ka ti, kum atampa ranga neinung nei manting nei don. Pongansa ro, ne ro, sa ro, na rai mansan ro!’

²⁰Tenchu Pathianin ati pe, ‘Nang amo! Atun zan thi na ti; hatuka tumo alua rang hiva nei siak ngai dora hi?’ ”

²¹Isuan, “Hintin hin ei ni rang aranga nei ankam ngai chu; tenchu Pathian tiang nei lui ngai chu,” ati.

²²Isuan a zolai ngai kom ei ti, “Nei nek rang le nei bom ranga andon u no ro.

²³Damna hi nek sak neka alu keng, taksa hi puan neka alu ke.

²⁴Va-ak ngai en u ta; ling u ma at um u ma, sapang um don u ma; Pathianin avai! Nangni chu va nek ten na lu u do!

²⁵Andona ei damna ason thei mo na om u?

²⁶Asinte ngal tho thei mak che imo atei andon rang?

²⁷Rama par ngai en u ta; sin thona arang puan khong u ma. Tenchu kei na ril u ni zei Solomon anei dora le anlianga par angkhat ngal pha mak.

²⁸Rama chiak ngai hi Pathian keng anliang chiak aviana om nangtuk abui ratapa anhal, hava nekten bom rang sil rang na pe ual no ni mo? Iam atom ngai!

²⁹“Hasik han umora andona imo ne ning, sa ning, ti u no ro.

³⁰Asik chu ramual mi ngai tho dan ke. Na pan nei nang u a riat.

³¹Hanekten a ram rui mandon u tanla hava ngai chu na pe unti.

³²“Pol atom ngai achi u no ro asik chu na Pan ram ana pek u rang azot.

³³Na nei ngai dora zuar tan anriang ngai pe ro, marsa chet lui, anrua thei lui, anvana nei bum ro, anrun maruk lai no, ni leidan salai no ni.

³⁴Na nei omna taka na malung om inti.

³⁵“Ansina om chian u ro, atho len ranga ansin u ro, lem manchuang chian u ro.

³⁶Suak, a pu ei hongkir len rang muiruai panta ata anga. Suakkhar ei atok le ei malong len.

³⁷Ituk ravanasa mo hava suak ngai a pun amenga ei mu a hongakir le! Kei na ril u ni zei apuan khek intia, mansut intia maruang inti.

³⁸Ansina ahong mu ten itukmo a rai ei san rang zanchima mo nuk ual amo ngal hong sela!

³⁹In puman anru ei hong rang ariat ten anru ha a in mansiam no ni.

⁴⁰Nangnim, ansin u ro, Miring Sapa itikmo ei hong rang, na iam u nok laitak hong inti.”

⁴¹Pitorin, “Puma hiva ankhina hi koini rang mo ole mi dora rang mo, ?” ati.

⁴²Puman amasanga, “Tumo, suak aiamrua le ahian? Ama ha apun in a en ranga suak atei ngai nek rang ahun taka apek rang phun inti.

⁴³Itukmo a rai ei san rang a pun sinthona in a hong tik a hong mu le!

⁴⁴Kei na ril u ani zei a pun hava suak ha anei anung dora a kuta pe inti.

⁴⁵Ten hava suak han ka puma ahonga sot sabak zei ati na suak atei ngai a lei zema nupang pasal, hatuka anek asak anrina,

⁴⁶hava suale a puma ha nikhat chu ahonga kira a suakin ei iam nok lai tak ariat nok lai tak. A puman ha suak ha bong anni man changa aiam nokrua ngai anga man chang inti.

⁴⁷“Suak apun tho rase ei ti ariata tho lui chu achan antak inti a raimol sak nanti.

⁴⁸Tenchu a pun ei zot re lui suak atei chu a raimol sak zang inti, atam a manpu kom chu atam zong inti. Atom ei mandon chu atom zong inti.

⁴⁹“Ramual ahal ranga hong ka ni, kei zot chu atun hin kang sela!

⁵⁰Baptisma chang rang ka la don hava ansua maseng chu ka om hui mak.

⁵¹Ramuala phukdaina honga choi ranga mo nei na iam u? He e, nima tenchu ansenna ke.

⁵²Atun ata inko khata ranga ha anthum le annia ansem unti annin anthum dui inti.

⁵³Pa ngaiin nai dui inti, nai ngaiin pa dui inti; nu ngaiin a nainupang dui inti, a nainupangin a nu dui inti; atarpin amuisa, amuisan atarpi dui inti.”

⁵⁴Isuan mi ngai kom ei ti, “Ansum taklam tiang ata ei hong na mu le rua hong rang ani zei na ti u hatuka ei hong.

⁵⁵Sim thinthi ahong le alum rang ani zei na ti u hatuka ei lum.

⁵⁶Phuazekam ngai! Phil, anvan na ena nikhua na ti thei u; atun taka rui le re u mak che na?

⁵⁷“Adik atho ranga na theia anzek mak che na?

⁵⁸Mikhatin na sika anril rang ruirilna na ana ruai rang ati anten nei chole dorpei asatna enro ruirilna muna na se man. Hanokten ruirilpu a matona na kei untia lungin a ngakpu kom na pe untia lungina na khum inti.

⁵⁹Hava han om na ti, kei na ril ani zei poisa sente ngal na thuan sua maseng chu hava mun ata zok pial no ta ni.”