Read Ranglong LUKIN 17 Bible Online

LUKIN 17 - Ranglong bible

LUKIN 17

¹Isuan a zolai ngai kom atia, “Asia a nan tho thei ei om rang ngala ke, tenchu anthopu rang chu ituk vanduai mo!

²Ama rang chu kol lung alianpa a ringa khita tipuia pei sabet inti mi sin te ngai asiana a masul nek ten.

³Hasik han anreng u ro imo nei tho! “Na parualin asia atho ten rakok ro, ansir ten madual ro.

⁴“Na tak chunga nikhata voi sari masial a neia a masial kip a honga, ‘Na kom kan sir,’ ahong titen madual ro.”

⁵A zolai ngaiin, “Puma nei iamna na manlian pe sa ro,” ati u.

⁶Puman a masanga, “Ancham ru tiat ngal iamna na don u ten, hiva tut kung hi ‘Anthot ro na razung le tipuia va mong ro!’ ti na tia na tel inti.

⁷“Mikhatin suak adona, phai atho mo ole bera rung mo. Sin ata ei hong tung le bu hong ne ro na ti len mo?

⁸Ha nimaka, ‘Ka bu nek rang thur ro puan bom tan kei nek kei sak sung na lei maruang ro, hava suale nang ne ro, ti u mak che mo?’

⁹He a telam ni rase asuak kom raisanna chong mantung ni mo?

¹⁰Nangnim hantin na ni u; a tho rang dora na tho suale hintin hin ti ro, ‘Suak papei ke na ni nei tho rang ke nei tho.’ ”

¹¹Isua Jerusalem tiang a pan han, Samari Galili rikung kola ase.

¹²Kho khata asena hava han mi som le antong hava ngai han aphar rikhua don u, ala uala anding u.

¹³“Isua! Puma! Lungkham na mu ro,” atina ankhek u.

¹⁴Isuan a muna ati pe, “Se tan chaizung in na en u rase.” Lampuia amani ha ei mandam.

¹⁵Angkhatin ei dam anmuna, ahonga kir ret, he anringpa na Pathian a manpak.

¹⁶Phila Isua ke kunga anboka raisan chong a mantung, ama ha Samari mi.

¹⁷Isuan ei ti, “Mi som adam; atei adam akua ngai le?

¹⁸Ichangmo hiva ram atei mi rong ei hong reta Pathian kom raisan chong ei ril?”

¹⁹Hatuka Isuan ama kom ati, “Anthui tan se ro; nei iam nan ana mandam zei.”

²⁰Pharisi senkhatin Isua a rakel, itikmo Pathian ram ei hong rang. “Pathian ram hi amutheia nimak ei hong.

²¹Tuten, ‘Sole enta, hile ti no ni;’ asik chu Pathian ram chu na kom ke.” tina ei masang.

²²Hatuka a zolai ngai kom ati, “Hun la tung inti hava tika nikhat chu Miring Sapa la mu zot u na ti, tenchu mu u no ta ni.

²³Hava tika min na ti unti, ‘Sole enro! Hile enro,’ tenchu a en ranga se u no ro.

²⁴Khua ei anlek ramual asuk akhanga hintiang kola ata sontiang kol, havan tin anga nin ti Miring Sapa nikhua ani tik.

²⁵Tenchu mansana aduk na sabak inti atun taka mi ngaiin pei unti.

²⁶Nova damlaia ei ni anga nin ti Miring Sapa ham.

²⁷Mi dora anek asaka, nupang, pasal, anom u na Nova rakuang alut nikhua tenpei hatuka tiliansang a honga athat kiar.

²⁸Lot a damlai anga ni inti mi doran anek, asaka, arachok, azuara, alinga, asina.

²⁹Lotin Sodom amak nikhua chu moi le sura gondok rua anga ahonga aloma athat kiar.

³⁰Hantin han ni inti Miring Sapa anlang tik.

³¹“Hava nikhua inchunga omin insunga a neinun alak se no rase; hantin anga tualpanga om han ina kir lai no rase.

³²Lot a nungak ha mandon ro!

³³Ei damna andam zot ngaiin machan unti; machan rong ati ngaiin mazok inti.

³⁴Hava nikhua zana chu, kei na ril u ni zei, mi anni zamun khata azal, angkhat tuang inti angkhat mak inti.

³⁵Nupang annin sang suk inti lokona angkhat tuang inti angkhat mak intia.”

³⁶Pasal anni phaia sin tho unti angkhat tuang inti angkhat mak inti.

³⁷A zolai ngaiin a rakel u na, “Puma, hovanmo?” Isuan a masanga, “Ruak omna na chu, sarakuru ngai anchun unti.”