Read Ranglong LUKIN 2 Bible Online

LUKIN 2 - Ranglong bible

LUKIN 2

¹Hava lai han Kaisar Augustan han Romin ei vong dora raming anziak ranga ati na.

²Hiva raming anziak mankhit lai hin Kurini ha Suria ram a ruai.

³Mi doran a raming a manziak u na ei omna khopui a.

⁴Galili rama Nazaret khopui ata Joseph Betlehem khopui Juda ram a asena, reng David ei anzirna. Joseph ei sena asik chu ama ha David akhuka mi.

⁵Ei anbiakpui sua ei lak rang Mari le raming ankhal rang asena. Ama ha anrai.

⁶Hatuka Betlehema a om u lai tak a naiha puang.

⁷A nai mankhita pasal a mazira khual tungna na mun ei man u nok sika puan le atuama serat bu pekna na aman zal.

⁸Hava rama han berarung ngai a om u na rama a riak u chachaka bera ngai a rung ranga.

⁹Puma vanpalai avan langa, Puma lianna achung u na ava el. Achalaka achi u,

¹⁰tenchu vanpalaiin, “Achi u no ro! Thangahui ka hong choi, mitin ranga raisanna nin ti.

¹¹Aviana nikhua hin David a khopuia na sandampu anzir zei Krista Isua!

¹²Hava ha va mu un na ti: naite puanle anthuam sa bukhenga a zal.”

¹³Anlaiseka vanpalai sipai rual vanpalai mana le Pathian anpakna la atho u:

¹⁴“Ansang khita Pathian anlal rase, Phila anngoina leng rase ei zot ngai kom!”

¹⁵Vanpalai ngai anvana ase sua u berarung ngaiin ati u, “Tho Betlehema se u rei Puman ei na ril ngai va en u rei,” ati u na.

¹⁶Anrapa ase u na Mari, Joseph le naite sabukhenga zal ava mu u.

¹⁷Berarung ngaiin avamu u na vanpalaiin naite rui imo ei ti ei ril u.

¹⁸Berarung ngaiin ei ti ariat dora aboi adong u.

¹⁹Marin ariat kiara hava ngai ha, hatuka anthuk sabaka a mandon.

²⁰Pathian anpak chunga berarung ngai akir ret u, ei mu u ei riat u ha vanpalaiin ei ti anga ani.

²¹Ni sari suale a vun at hun ahonga tunga hava han Isua raming aphua u, anzir mana vanpalaiin ei ti anga.

²²A hun ahonga suak zeia Mari le Joseph anthiangna ranga anbol, Mosi danin ei ti anga. Hasik han Jerusalem a atuang u na Puma matona ava dar ranga.

²³Puma dana ei anziak anga: “Naipasal mansa chu Puma kom ei andar rang.”

²⁴Vasu rabo mo, pharvali rabo, ham adar len ranga ase u na Puma danin ei nang anga.

²⁵Havalai tak han mikhat a raming Simeon Jerusalema a om Pathian anchi sabak mi Israel ei zokna rang anruang. Ratha Anthiang abila a om.

²⁶Hatuka Pathian phun amu maseng thi no ni tia manriata.

²⁷Rathan aruaia Simeon Biakina ase. Naipang Isua a nu a pan Biakina hong ruai u na danin ei nang anga a tho ranga.

²⁸Simeonin apoma Pathian kom raisanna a mantung.

²⁹“Atun lam chu Puma na chongtin anga, Na suak phukdaia man se ta ro.

³⁰Na sandamna ka mit le ka mu zei.

³¹Mi ngai matona nei mansuk;

³²Jentail ngai koma nei zot anlang ranga ra-ang, na mi Israel ngai lianna ranga.”

³³Simeon a chong ngai ariata a nu le a pa anlai u.

³⁴Simeonin bor a peka Mari kom ati, “Hiva nai hi Pathianin ei athang keng Israela mi tampa ansiat rang le andam rang. Pathian ata andangna mi tampan ei la dui rang,

³⁵hanuk maruka ei mandon u manlang inti. A malung ana u ngai khendai angei anga na malung um la phor inti.”

³⁶Deari nupang khat a om Hanna, Phanuel a nainupang Asher khuka, achan atar zeia, a ruathar le kum sari bak an om u na,

³⁷atun kum som ariat manli ani zeia. Biakin mathan ngal maka asun azan Pathian a moka, angoia bor azong chachak.

³⁸Havalai tak han ahonga Pathian a manpaka Isua rui Pathianin itikmo Jerusalem mazok ni atia anruang ngai kom arila.

³⁹Joseph le Marin Puma ei nang dan atho sua u na, a kho tiang Galili ram Nazareta akir ret u.

⁴⁰Isua ansona, arata, hianna le abita Pathian borsang um adon.

⁴¹Kumtin Isua a nu le a pa Jerusalem ase u na Zokna Panta amang ranga.

⁴²Isua kum somleianni ani han hava mana anga panta mang ase u na.

⁴³Ha panta ansua le chu in tiang akir ret u na, Isua Jerusalema ei om ha a nu le a pan remak;

⁴⁴ei iam u chu mipui bila a om ni inti ati na, sun khat kal achoi u na a rual a mal ngai bila a rok u.

⁴⁵Mu u lai maka Jerusalem tiang a kir ret u na ava rok u.

⁴⁶Nin thum changnana Biakin a ava tok u. Juda minchu ngai le ansuta achong u a rangai a ankel rua a rakel.

⁴⁷Ei masang dan ariat ri chu aboi adong u.

⁴⁸A inko ngaiin um amu u na aboi adong u na, a nun, “Ichangamo hintin nei na tho? Na pa le koi achan nan don nang ana mu rang,” ati na.

⁴⁹A masanga, “Ichangamo koi nei na rok u rang? Re u mak che mo ka Pa ina ke kei om rang do?”

⁵⁰Tenchu ei masang ha rethei u mak.

⁵¹Hankeng Isua abil u na Nazareta ase ret, a he u a tel. Hava ngai dora a nun a malunga akhum kiar.

⁵²Isua taksa le hianna tiang ansona Pathian le mi mita ating.