Read Ranglong LUKIN 5 Bible Online

LUKIN 5 - Ranglong bible

LUKIN 5

¹Nikhat chu Isua Genesaret tindil kola andinga mipuiin Pathian chong anngai ranga ava pan u na.

²Tangkola rakuang anni amu na, nga asur ngai han rakuang amaka alen ava rasuk u na.

³Isua rakuang khata andinga Simon ata, tangkol ata tuar bet ro ati na.Isua rakuanga han an suta mipui a manchu.

⁴A chong suale, Simon a kom ati na, “Tinthuk tiang na rakuang tuar ro hatuka na lom ngai le nga sur ranga na len deng u ro,” ati na.

⁵Simonin amasanga, “Minchupu, zan sot pei na denga ite sur mak me. Tenchu nei ti aniten masum ka ti,” ati na.

⁶Len adeng u na nga tampa aman u na a len ngal achet rang atho.

⁷Rakuang ateia alom ngai asan ranga apai u. Ahong u na rakuang ngai abit reia anning rang azot.

⁸Simon Pitorin amuna, khuksabila Isua amok, “Puma ka kom ata ankhai ro! Masial a don miring ka ni,” ati na.

⁹Ama le alom ngai aboiadong u na nga tampa ei sur u sika.

¹⁰Hantin den han Simon alom ngai Jakob le Johon, Zebedi nai ngai, Isuan Simon akom ati na, “A chi no ro atun ata mi sur na ti,” ati na.

¹¹A rakuang u tang kola bang u na alompei amak u na Isua azi u.

¹²Voikhat chu Isua khopui khata a oma hava han mi khat aphar a oma. Isua ei mu le andenga azong, “Puma na zot ten nana mandam thei,” ati.

¹³Isuan a kut a rasuana aton, “Ka zot anthiang ro,” ati na anlaiseka ha rikhua han amak.

¹⁴Isuan, “Tute manthei no ro tenchu chaizung kom se tan na lei en rase, hatuka mi kom nei anthiang ei mandang theina ranga, Mosin dali ei dar anga va tho ro,” ati pe.

¹⁵Tenchu Isua rui ha anthek riama mipui ahonga achong anngai rang le arikhua u ata adam ranga.

¹⁶Tenchu philchara asena bor ava zong.

¹⁷Nikhat chu Isuan mi a manchu lai tak, Pharisi le Dan anchu ngai ham ansut u na, Galili rama khopuitin ata le Jerusalem ata ahong u.Pathian ranak Isua bila oma ana ngai andam theina ranga.

¹⁸Mi senkhat, pangathi a zamun len le ahong razon u na, insung anluta Isua maton taka ava siakna a en u.

¹⁹Tenchu mipui ei tam sika lampui man u maka. Hasik han inchunga akal pui u na inchung aset u na Isua maton taka ava masum u.

²⁰Isuan ei iam u a muna, ha mi kom ati na, “Nei masial ngai andual zei.”

²¹Pharisi ngai le mi Dan anchu ngai han anti u na, “Hiva mi hi tumo? Pathian adui hi! Pathian rong ke masial andual thei,” ati u.

²²Isuan ei mandon u ariata ati pe, “Hi ang hi ichangmo nei mandon u?

²³‘Nei masial ngai andual zei,’ ati mo abei, ‘Anthui tan kal choi ro ati mo?’

²⁴Manthiang ka ti hano, Miring Naipasal phila masial andualna don.” Hasik han pangathi koma, “Keina ti ani zei anthuia na zamun choi tan na in se ro!” ati.

²⁵Anlaiseka amaton u na anthui, ei zalna a zamun alaka Pathian anpak chunga a ina ase.

²⁶Aboi adong sabak u na! Achi sabak u, Pathian amanpak u na. “Avian tichangabui sin khat na mu,” ati u na.

²⁷Hava suale Isua a suaka lei ansuang a raming Levi lei ansuangna muna ansut ava mu na. Isuan ati pe na, “Na zi ro.”

²⁸Levi anthuia, aloma amak zita ava zi.

²⁹Hatuka Levin Isua ranga bu nekna panta adonpui a ina, hava khual ngai bila lei ansuang le mi tampa a om.

³⁰Pharisi le Dan anchu ngaiin Isua rui aril u na a zolai ngai kom, “Ichangamo lei ansuang ngai le nam anpei ngai le nei sak nei nek u?” ati na a rakel u.

³¹Isuan amasanga, “A damin daktor nang mak, ana ngai keng anang,

³²Mi sa ngai, akuia hong ni makung tenchu mi siat ngai ansir ranga,” atina a masang a.

³³Mi senkhatin Isua kom atina, “Johon a zolai ngai angoi u chachaka bor a zong u chachaka Pharisi a zolai ngai um hantin den atho u, tenchu na zolai ngai chu anek asak u.”

³⁴Isuan amasanga, “Mui aruai nana khual ne luia na makhir mo thei in a neipa om chunga? Ni thei mak!

³⁵Tenchu nikhat chu la hong inti hava tika inaneipa om lai no ni hava tika ngoi unti.”

³⁶Isuan hiva ankhina aril pe: “Puan marua chet diba thona rang puan athar thet mak che. Hantin na tho ten athar ham maset na ti. Ha athar han amarua anhui pui no ni.

³⁷Hatuka uain athar thuangna rang vun marua mang mak che. Asik chu ha uain han maphuaka ha vun ham siat inti.

³⁸Hanek ten uain athar ha vun athara anthot rase!

³⁹uain marua na nek suale athar zot mak che, ‘Amarua ke asa nei ti.’ ”