Read Ranglong KUITIR 6 Bible Online

KUITIR 6 - Ranglong bible

KUITIR 6

¹Hatuka hava lai han ruaisi anson u na hava han Grik a a chong Juda ngai, Hebrai chunga a nuar u na asik chu a nikhuana dorbondoma a arong u ngai ei tel u nok sika.

²Hava ha somleianni Zolai ngai ha akom akui u na aril u, “Koinin Pathian chong aril amaka nek sak dorbo nei dom rang hava ha chuk mak.

³Ten, o unai ngai, na bil u ata raming asa hanuk Ratha Anthiang le theina, riatna bit mi sari en u ro, hangai ha hiva sin atho rang pe inti.

⁴Koini hi bor a zong le chong aril dorbondoma om inti.”

⁵Hiva chonga mi doran a zot u, hatuka hiva ngai hi a phun u, Stephan ama hi iamna le Ratha Anthiang abit hatuka Philip, Prokhor, Nikanor, Timon, Pamena le Nikolai ama hi Antiokei a Juda Pathian a iam.

⁶Amanin hiva ngai hi Kuitir ngai makunga ahong tuang u hatuka amanin bor a zonga hangai chunga akut adap u.

⁷Hatuka Pathian chong a bita hanke Jerusalema ruaisi achalaka ei anson ala ni. Hatuka abil u na mi tampa chaizungin ei hong iam.

⁸Hatuka Stephan lungkhama le ranak abita mi ngai bila tichangabui pangai le andangna sin atho zei a.

⁹Tenchu ha suak azok ngai anchunna in anti, havana hozetmo mi hanuk hohomo chu Kurini le Aleksendria mi le Kilikia mi le Asia mi hozetmo mi a honga Stephan le ankhal u.

¹⁰Tenchu ama ei riat ei thei le Rathana chong ei ril ha dui thei u lai mak.

¹¹Hanke amanin ansin lok u na hiva ngai hin hintin hin ei ti u, “Koinin hiva nai hi Mosi le Pathian adui a ei matir chong ei ril na riat!”

¹²Hatuka amani han mipui ngai hanuk atar ngai le minchu ngai ha ei man lum u hanke Stephan ha ei va sok u na ei sur u hanke ruirilna na ei tuang u.

¹³Hanke milaka ariat ei rasua u na ei manding u hangai han, “Hiva mi hin mun anthiang le dan adema a chong ril mong mak.

¹⁴Asik chu koinin ei ril nei riat ha Nazaret Isuan hiva mun siama pei inti hanuk Mosin koini na koma riti om ei na pek ha, hava ngai dora thul inti,” ati.

¹⁵Hanke ruirila ansut ngai ha amani alom u na ama tiang anhoi u na ei en u. Amai vanpalai ngai mai le anrual.