Read Ranglong ROM 1 Bible Online

ROM 1 - Ranglong bible

ROM 1

¹Paul Isua Krista suak ei tir ranga ankui, Pathian thang ahui ranga abinga ansiak.

²Ha thang ahui Pathian lekhabu anthianga a deari ngai le mana achongtin ani na.

³Ha a Naipasal ruia ama hi taksana David akhuka mi ke.

⁴Ha anthiangna ratha ruia athi ngai anthuiretna le thotheinana han Pathian Sapa atia andang.

⁵Ama ha Isua Krista koini na Puma, hava lehan koinin ama raming han nam dora bila iamnana hetel ranga lungkhama kuitir nina nei man.

⁶Nangnim Isua Kristan ei na kui ngai bila nei anchel u.

⁷Roma Pathianin ei madita ei kui anthiang a om dora hava ngai ranga koini na Pa Pathian le Puma Isua Krista ata lungkham le phukdai na kom u na om rase.

⁸Mansana koiin Isua Krista na, na lom u na rang ka Pathian kom raisan chong ka rila asik chu nei iam u ramual dorana anthang zei

⁹Asik chu ha Pathian kei biak ha koi ka ninga ratha le a Naipasal athang ahui kei ril aman ana riat, na raming u kei china kei tho chian.

¹⁰Ka borzong kip le pei kei zong chachak hidor nikhua suale hontinmo Pathian ei zot zama na kom u na se rang ruia ei chuk rang.

¹¹Asik chu ana mu u rang kei zotna chu nangni ha hong ang ratha bor lek mo apeka nei dettit u na rang.

¹²Hanuk hontinmo nangni le koi na loma ranga sung ril iamna le nangni na kom ka ninga hava bibila kei sabeina ranga.

¹³Hatuka parual ngai hiva rui nei riat u nok rang kei zot ni mak, na kom u na ahong rang ka malung kei sin babang.Hatuka hi ten hi kei la thei nok. Jentail atei ngai bila hontinmo mara nei man hantin ang han nangni bilam mara an man mo.

¹⁴Grik le ozea mi ngai mi hian le mi mo ngai dora akom u na kan tang.

¹⁵Hava anga han kei tho thei zotor, koiin Roma om ngai nangni komam thang ahui aril rang kei pham.

¹⁶Asik chu thang ahui ruia anzak makung; asik chu hava ha a iam tin rang zokna ranga Pathian ranak, mansana Juda ranga hanuk Grik rangam.

¹⁷Asik chu Pathian pek adikna khat thang ahuia ei hong anlang, iama le a iam rua, ei anziak anga, “Tenchu mi dik ha iamna sika dam inti.”

¹⁸Asik chu Pathian taksitna van ata mi dora Pathian anmokna bui le dik lui chunga ei anlang, dik lui atak adui ngai ha.

¹⁹Asik chu Pathian ruia ariat thei rua ha amani bila ei hong anlang ani zei asik chu Pathianin hava ha akom u na ei manlang.

²⁰A mu salui asin thotheina le a Pathianna chu ramual asin lai ata anthiang vanga anlanga asin thona han hasik han anon rua ngal nei u mak.

²¹Asik chu Pathian ha ariat u nam Pathian atina manpak u mak raisan chong um ril u mak. Tenchu abok makhal u na akoronga ei sabei u a malung ei mo u na azing pe u.

²²Ahian ei anlo u na amo ei chang u.

²³Hatuka siat thei miring mel aphua le va le sakemanli le nuk anei khaisuk khaiphar ramil le siat thei lui Pathian anpakna ei thul u.

²⁴Hasik han Pathianin hangai ha a malung u na ningolna tina annima ei betok a taksa um ei poisak u nok.

²⁵Asik chu milak le Pathian tak ei thul u hatuka ansin neinun ei biaka eia mok u, ha asinpu ni luia. Tenchu ha asinpu ha umor taituana chanasa ke! Amen.

²⁶Hasik han Pathianin hangai ha anzak na hura ei betoka a nupang u ngaiin ei mang babang u rathula a nungchang u aleta ei mang u.

²⁷Hatuka pasal ngai um nupang le ei anmang dan ngai amaka amani le amani ei hur u na pasal le pasal om sa lui ei tho u hatuka amanin athe thei u na lam tok lui mara ei man u.

²⁸Hatuka hantin han amanin Pathian ha ariat u ranga anvo ranga zot u mak hantin han Pathianin hangai ha dik lui sin a tho rang mandona siata ei betok.

²⁹Amani ha dik lui tin, asel, mumak, ningol, huatanham, anhuang, ansual, mandon asia abit.

³⁰Mi kuarbut apek, siat aril, Pathian antir, mi rui aril, borai atho, nupa hetel lui, asia ansuak,

³¹malung varna bui, achongtin sur thei lui, lungkhamna don lui, anngoina zot lui le mi lungkham muna don lui.

³²Hangai ha Pathian hiva a ruiril ei riat u hintina om atho ngai ha amani ha athi rua u, hanum amanin hantin han ei tho u ha rong nimak tenchu hantina atho ngai um ei pom u.