Read Ranglong ROM 15 Bible Online

ROM 15 - Ranglong bible

ROM 15

¹Tenchu koini ranak anei ngai hin ranak abui ngai ei rat u nokna pel pui u rei, naninga andem u no rei.

²Koini mitinin ei satna ena na in kol mi rai mansan u rei.

³Asik chu Krista ham ei nuama om mak. Hanek ten anziak a om, “An mumak ngai ei na mumakna ka chunga achul zei.”

⁴Asik chu mana anziak ngai ha, hava ngai ha koini nei anchuna ranga anziak Lekha chonga diarna, lungdaina le koinin sabeina nei man.

⁵Diarna le lungdaina Pathianin bor na pe u rase Krista Isua anga nangni le nangni malung khat nei don u na ranga.

⁶Hantin han nangnin malung khata, chong khata Puma Isua Krista a Pathian le a Pa manpak u ro.

⁷Hantin han Krista han ana pham u na, hantin han Pathian anlalna ranga nangni le nangni anpom u ro.

⁸Asik chu kei ril na chipui ngai koma chongtin ha ei detna rang le a lungkhamna sika Jentail ngaiin Pathian ei mansang theina ranga Pathian chong a dika ei riatna rang Krista chu vun an at ngai aruaia ei om a.

⁹Hatuka Jentail ngai um nisela alungkhamna sika Pathian ei manpak thei u na ranga.Lekhabu anthianga anziak anga: “Hasik han Jentail koma han na manpak ka ti; Na raming anpakna ranga la tho ka ti.”

¹⁰“Hatuka nangni Jentail ngai o, A mi ngai le pham u ro!” ati reta.

¹¹“Hatuka nangni Jentail ngai o, Puma chu manpak u ro Mi doran um ama manpak rase!” ati reta.

¹²Hanuk Isai han ei ril, “Jessi razung om inti; Jentail chunga anlal ranga angkhat anding inti, ama chunga nam tinin sabei inti.”

¹³Sabei rua Pathinin iamna le raisanna dora le anngoina manbit rase nangnin Ratha Anthiang sinthotheina an sabeia om u ro.

¹⁴Ka unai ngai nangni rui chu nangnin nget satna nei bit u hianna dora nei nei u, chunngo om nan ril thei u atia koi ngetin ka riat.

¹⁵Hanum na malung keina masui pe u, hova va rui mo arang sabaka kei hong maziak asik chu Pathian ata hi lungkhamna kei man.

¹⁶Koiin Jentail ngai kom Krista Isua hasondoma Pathian thang ahui chaizung achang rang. Jentail ngai ha Ratha Anthiang le anthianga pham pek anga ei anphamna rang.

¹⁷Hantin han Krista Isua Pathian omze ruia boraina a tho thei ka ni.

¹⁸Asik chu ha ruia chong angkhat ngal aril rang ngam no ning. Ha Jentail ngai ha chongpek antel ranga Krista han koia tho mak.

¹⁹Aman chonga le sina andangna tin le changdongna sinthotheina Ratha Anthiang sinthotheina le, hantin han ei tho Jerusalem ata Illurika ten asir apanga Krista thang ahui a kip thaka kei ril.

²⁰Hatuka kei val hiva hi Krista raming ei lan ril pial nokna muna thang ahui kei ril theina rang, mi teiin ei phunna bul chunga phun lam ning.

²¹Tenchu hintin hin lekhabu anthianga anziak a om: “A thang avan thei sa lui ngai ha amanin mu unti hatuka rangai lui ngai ha amanin re unti.”

²²Hava sika ni inti na kom u na hong rang voi hozetmo sok kei cha na kei om ani zei.

²³Tenchu atun hia tanga dorana ka rang mun om lai mak hanuk kum itukmo ni zei kei mandon Spain rama ka se le na kom u na han se ka ti kei ti.

²⁴Asik chu kei sabei ka se tik le na mu u ka tinga hatuka na bil u na kei oma na khop tot u le, hava han na va thak un na ti.

²⁵Tenchu atun hin anthiang ngai; dorbondom ranga, Jerusalema ka se.

²⁶Asik chu Jerusalema anthiang ngai bila anriang amani ranga Makedonia le Akaia ram ngai a rai ei san u na han ansan puina anga a rasuang lak u.

²⁷Chongdika amani raisana hava ei tho u hatuka ha amani ha hangai kom antang um u asik chu Jentail ngai ratha ruia amanin ei ansem pui u hava han hangai um ramual ruia, hangai haso andom ranga ei antang.

²⁸Hantin han hava sin ankhip ranga le asadima azeka hava amani anpek vang suale, nangni na tiang u ata Spain rama se ka ti.

²⁹Hatuka kei riat na kom u na ka hong tik le hava han Krista borsang abita hong ka ti.

³⁰Unai ngai koini na Puma Isua Krista lungkham hanuk Ratha maditna le keina mathem u, nangnin Pathian kom ka rang borzonga ka bila azong mathan u no ro.

³¹Hontinmo Judai rama, ha hetel lui mi ngai ata kei zok theina rang hanuk Jerusalem ranga ka hasondom ha anthiang ngai kom ei anpomna rang.

³²Pathian ei zota na kom u na raisan hiaia kei hong suaka, nangni le ning nei manbui theina rang.

³³Anngoina Pathian na bil u na om rase. Amen.