Read Ranglong ROM 16 Bible Online

ROM 16 - Ranglong bible

ROM 16

¹Koini na sarnu, Kenkria na kuibinga kuitir nu, Phoibi ranga na kom u na ka na manriat zot u.

²Nangnin ama ha Puma na mi anthiang tho dan ang taka pom u ro; hatuka rui tina nangni ata sanna anang thei hava ha tho u ro, asik chu amam mitampa le koi len um ei na san keng.

³Krista Isuana ka lom asa Priskilla le Akuila ha ka phamna chong na ril pe u ro.

⁴Amanin ka nuk sika a ring ei do u koi rong raisan chong kei ril u rang hava ha ni mak tenchu Jentail ngai dora kuibingin um aril.

⁵Hatuka a in u na kuibing ankhom ngai ham phamna chong na ril pe u ro. Keia dit khit Epenita Krista sika Asia rama a iam mansa ama ha phamna chong na ril pe u ro.

⁶Marin nangni ranga apong sabak ha, ama ha phamna chong na ril pe u ro.

⁷Ka nam ngai le kei ankhum pui Andronika le Juni ha phamna chong na ril pe u ro. Amani ha kuitir bila antir le ka mana Krista na anpek.

⁸Pumana keia dit Amplia ama ha phamna chong ril u ro.

⁹Krista na koini na lom Urbana ha, hanuk keia dit Stakia ha phamna chong na ril pe u ro.

¹⁰Krista na abutamin Apellia ha phamna chong ril u ro, Aristobula a inkua phamna chong na ril pe u ro.

¹¹Ka nam Herodion ha phamna chong na ril pe u ro. Narkisa a in komi ngai bila Pumana a om ngai ha phamna chong na ril pe u ro.

¹²Trupheni le Truphosi Pumana apong u hangai ha phamna chong na ril pe u ro, keia dit nu Persi Pumana achalaka apong ha, ama ha phamna chong na ril pe u ro.

¹³Puman ei mandang Rupha, hanuk anu koi um ka nu ama ha raisan chong na ril pe u ro.

¹⁴Asinkrit, Phlegon, Hormen, Patroba, Herman aloma kuibing ngai phamna chong na ril pe u ro.

¹⁵Philologoa le Juli, Nerea le a sarnu hatuka Olumpa amani bila mi anthiang ngai dora ha raisan chong na ril pe u ro.

¹⁶Nangnim biang atum anthiang le nangni le nangni anpham u ro. Krista kuibing doran nangni ana pham u.

¹⁷Unai ngai keina mathem u ani zei nangnin nei anchu u hava aleta ansenna anbana ansuak, hangai ha mandang u ro hangai ata ankhai u ro.

¹⁸Asik chu havan tina mi ngai koini na Puma Krista suak sin a tho ni u mak. Tenchu a von u ranga suak sin ei tho u ke. Mur athum le chong ahui le mi andin ngai malung ei huang u.

¹⁹Asik chu nangni na hetel u chong ngai mi dora koma a sip zei. Hasik han nangni sika ka rai ei san tenchu kei zot hiva hi nangnin asa sika hian u tan a siat sika hian u no ro.

²⁰Hatuka phukdaina Pathianin Soitan ha anrapa na kepha thuaia na manthin unti. Koini na Puma Isua Krista a lungkham na bil u na om rase.

²¹Ka sin tho pui Timothi hatuka ka chipui Lukia Jakon le Sosipater ngai nangni rang phamna chong ana hong ril u.

²²Hi lekha anziak hi koi Tertia Pumana chibai ka na buk u.

²³Koi le kuibing ngai doran anan tungpa Gaian chibai ana tho u.

²⁴Hiva khuana sum adonpu Erasta le a parualpa Kuartan chibai ana tho u.

²⁵Atun anan det theipun ka thang ahui anga le Krista Isua ruia anril anga han anthup ei anlang anga kumkhuana anril pial lui ha.

²⁶Tenchu atun a hong anlang zei, hatuka deari ngai lekhabuna kumkhua Pathian iama chongpek atel ranga nam dora koma anril ani zei.

²⁷Isua Krista lehan ha angkhat dak hian avar Pathian anpakna kumkhuana ni rase. Amen.