Read Ranglong ROM 2 Bible Online

ROM 2 - Ranglong bible

ROM 2

¹Hasik han, o miring nangin rui nei ril ha, neini ni ni ro ansangna lampui don mak che, asik chu hong ruia mo nangin mi tei rui nei ril? Hava ruia naninga asiat anlo keng na ni asik chu na rui ril tak ha nangin hava anga om nei tho.

²Hatuka koinin na riat hia anga atho tak amani chunga Pathianin ataka keng rui ei ril.

³Hatuka o miring hia ang om atho ngai tak nangin hangai rui na ril tik le, hanuk reta nang um hantin na tho le hatik han nangin nei masat ha Pathian ruiril ata zok thei in mo?

⁴Hanle a phung ei thum, ei diar, aphuk a sot neinun ha nei elsel mo? Pathian phung thum han malung thulna tiang ei na ruai, hava ha remak che mo?

⁵Tenchu nei ankhir le anthul thei lui malung anga nangin na rang achan taksit nei man ting hava taksit le Pathian ruiril anzik nikhua hong anlang inti.

⁶Aman mi tin ha asin tho anga han mara pe inti.

⁷Sin asa, adiarna le anlianna, anlalna le siat lui rua anrok, hangai ha ringanlonna pe inti.

⁸Tenchu aneng hatuka atak tak tel lui le anzik luina a zot ngai ha amani chunga taksit malung alum antak le lunghangna tong inti.

⁹Mansana Juda, nuka Grik chunga le miring asia tho ngai dora chunga chul inti.

¹⁰Tenchu om asa mitin chunga, mansana Juda mi nuka Grik mi chunga anlianna, anlalna le phukdaina chul inti.

¹¹Asik chu Pathian kom maienala om mak.

¹²Asik chu dan abuia asia tho ngai dora ha dan abuia siat unti hanuk Dan thuaia oma asia tho ngai dora Dan le rui anril inti.

¹³Asik chu Dan ariat ngai hi amani hi Pathian kom adik tina ni mak, tenchu Dan azi ngai ha amani hake adika antel.

¹⁴Asik chu Jentail ngai han Dan reng man mak amanin anina dan anga om atho hava han Dan ite aman u nokam amani dan ha amani ei ni.

¹⁵Hantin han amani dan sin amalung u chipa anziaka anlang amani mandon u bibila anril hatuka ankhalna tin le ei ankhal u ei man sia u, hoho mo ei man sa u na ei pom u.

¹⁶Pathianin thang ahui kei ril anga Isua Krista le miring ngai maruk om ei tho u ngai rui aril tik le aloma la hong manlang zit inti.

¹⁷Juda mi antia Dan chunga anngam Pathian koma nei ansong.

¹⁸Dan ata anchuna nei man tuara ei zot dan nei riat, asa ual ngai bila chu nei pom ani na.

¹⁹Nei riat sadim nang hi acho lam an ruai, azing kara ngai a el.

²⁰Amo ngai anchu, naipang ngai minchupu, dana le ataka nei man.

²¹Ani, mi nei manchu nang naninga anchu mak che mo? “An ru ngai mak me tina nei ril” nang le nan ru mo?

²²Nangin, “Ui re ngai mak me,” nei ti nang le ui na re mo? Nangin, ramil nei matir, tenchu nangin ramil ina nan ru mo?

²³Nangin Dan nei song, tenchu nangin Dan nei khela Pathian elsel nei tho mo?

²⁴Asik chu anziak a om hantin han, “Nangni sika Jentail ngaiin Pathian raming adem zei.”

²⁵Ataka vun at hi asa chu asa, nangin Dan na zi aniten, tenchu Dan na khel ten na vun at ha vun at nok achang zei.

²⁶Hanuk vun at lui mi ha Dan om ngai dora azi ten, a vun at lui ha vun at atia an tel no ni mo?

²⁷Hatuka hanle vun at lui mi han Dan azin nang Dan sika vun at na ni nam Dan nei khel sika nang na rui ril no ni mo?

²⁸Asik chu apanga Juda ha, Juda mi ni mak hanuk apanga taksana vun at ha, vun at ni mak.

²⁹Tenchu sungrila Juda mi hake ama ha, Juda mi hanuk a malung sunga vun at ha Lekhana ni lui Rathana, hava ha vun at ama ei anpakna nimak ten Pathian ata keng.