Read Ranglong ROM 3 Bible Online

ROM 3 - Ranglong bible

ROM 3

¹Hanle Juda mi ei ni a imo aliak ei nina? Vun at ngai lampui tina imo ei satna?

²Mansana Pathian chongpek amani kom ei ansiak.

³Senkhatin a iam u nokam hava han imo? Ei iam u nok sika Pathian iamrua ha akorong ei ni rang mo?

⁴Hava chu ma ro! Hanek ten Pathian ha atak atia anpom rase miring reng hi milak ei ni ha ni rase. Hintin hin, anziak a om, “Nang na chongin adik na manchang thei hatuka na ruiril tika nei ratna rang.”

⁵Tenchu koini dik nok na ha Pathian dikna aman chang ten, hanle imo ti ma ni? Pathinin a taksit ana man tongin ama hi dik lui mo? Miring anga kei ril ke.

⁶Hava chu khai ro! Asik chu hantin aniten Pathianin hontinmo ramual rui ril ni?

⁷Tenchu ka milak thona Pathian dikna a manpak sa na aniten hano koi um atun asia tina ichangmo ka rui ei lan ril ret?

⁸Hasik han ichangmo kei ti nok rang min ana rilsiata, senkhatin chu koinin nei ti anga ei ril u, “Hong u ro sin asiat tho u rei hanke asa nei man rang?” ati u. Ha ngai ha chu asia anlo u rang adik ke.

⁹Hanle imo anlang koini hi mi tei neka nei sa mo? Hava ha khai ro! Asik chu koinin hiva man hin Juda mi le Grik mi aloma asia ningneina thuaia aleng keng ani zei tina nei riatpui.

¹⁰Hava ha hintin lekhabuna anziak a om: “Adik tute om mak angkhat ngal om mak,

¹¹Ariat tute om mak Pathian anrok tute om mak.

¹²Alom u na iam dik lui apan zita amani ha alom u na amang salui ei ni u sin asa tho tute om mak angkhat ngal om mak.

¹³A rol u anhip lui than ang. amalei u na an huangna chong aril arakam u thuai marul hang tur a om

¹⁴amur u na khomak le chong akha bit.

¹⁵Ake u thisen ansuak ranga annot

¹⁶alampui u tina antakna le siatna.

¹⁷Hanuk phukdaina lampui re u mak

¹⁸Pathian hi na chi ngai ti u mak.”

¹⁹Hatuka koinin nei riat Danin ei ril tak ha Dan thuaia om ngai rang ha ke ei ril. Mur tin anchipa ramual dora Pathian ruirilna thuai ei ni rang.

²⁰Hantin han Dan sin atho le nukanei dora, ama makunga adika antel thei no ni. Asik chu Dana hanke asia riatna ei anpiang.

²¹Tenchu atun Dan nokam Pathian pek dikna anlang zei hatuka Dan le deari ngai han ama ruia ei hong ril u

²²Pathian pek dikna ha Isua Krista iama, a iam ngai doran, amani ngai dora chunga achuk. Asik chu ei tei na ngal om mak.

²³Asik chu mi doran asia atho sua zei hatuka Pathian anpak om lai mak.

²⁴Amanin man abuia a lungkhama Krista Isua mazok na lehan dika nei antel.

²⁵Amani ngai ei iam u na lehan a om asial u ngai ei andual theina ranga Pathianin ama thisen ha lenna dali anga ei hong dar ama dikna ei anlangna ranga ei mansuk. Man lai han aphuk ei anchualna le ei siat u ngai riat lui anga ei om.

²⁶Atun ahun taka ama dikna a manlang aman ei dik theina ranga hatuka Isuana a iam tak chu amam dika antel.

²⁷Hasik han borai thona chu honmo ei om? Hava ha a rot zei! Hong Dan le mo? Sin tho Dana mo? Ole iamna Dana mo?

²⁸Asik chu koinin nei masat hiva hi Dan sin noka iamna le miring dikna na ei antel.

²⁹Pathian hi Juda ngai rong a Pathian u mo? Jentail ngai um le ni mak mo?

³⁰Jentail ngai um a Pathian u ke chong dika chu Pathian hi angkhat ke hatuka aman vun an at ngai hi iamna sika hatuka vun an at lui ngai hi iamna lehan dika tel inti.

³¹Hanle koinin iamna sika Dan hi akoronga nei sin mo? Hantin chu ni mak haneka Dan hi nei mandet keng.