Read Ranglong ROM 5 Bible Online

ROM 5 - Ranglong bible

ROM 5

¹Hasik han iamna sika, dikna na nei antel sika koini na Puma Isua Krista na Pathian le anzomna nei man.

²Hanuk ama sik den han koinin iama hi lungkhama nei lut nei andingna hin Pathian lianna sabeia nei dorsai.

³Ha rong ni mak tenchu antakna tin um nei dorsai. Asik chu koinin na riat,

⁴antak hi diarna, diarna hi, riat anthiangna, riat anthiangna hin sabeina a manpiang.

⁵Hanuk sabeina han maimok na sak mak; koinia anpek Ratha Anthiang le Pathian anditna koini malunga asip ke ani zei.

⁶Asik chu koini hi ranak abuia na om lai han, hava han Krista ha ahun taka anmok abui ngai ranga ei thi.

⁷Ataktaka chu mi dik ngai ranga tuten a nuk phal no ni atianga mi ranga hohonmo chu ngam khakhaka anuk apekam pe inti.

⁸Tenchu Pathianin koini ranga ei na ditna ei man lang, asik chu asia na ni lai han havan um Krista koini ranga a nuk ei pek.

⁹Hasik han atun a thisen le dika ana tel zeiten hava han koini hi itukmo hava neka hava lehan Pathian taksit ata zokna nei man rang.

¹⁰Asik chu mumak na ni laiam hava han Pathian le, a Naipasal ei thi lehan nei anlopa itukmo haneka ama ei dam nana zokna nei man rang.

¹¹Ha rong nimak tenchu koini na Puma Isua Krista le Pathian um nei dorsai hava lehan atun ha anlopna nei man.

¹²Hantin han mi khat ata asia, asia ata thina ramuala ei lut hatuka hava ang thina mi dora chunga ei hong tung asik chu mi doran asia ei tho.

¹³Asik chu Dan a om man ata ramuala asia ei om tenchu Dan a om nok ten asiana antel mak.

¹⁴Hanum Adamin he ei khel anga asia tho lui Adam ata Mosi tenpei achung u na thina han reng ei kai ke. Hatuka Adam ha ankhina alei ni ranga.

¹⁵Tenchu a lungkham pek ha ei masialna le anrual ni mak, asik chu ha angkhat masiala atampa athiten Pathian lungkhamna le hanuk mi khat Isua Krista a lungkhamna manpek mi tampa ranga haneka atam ei chula ei liam nget rang.

¹⁶Hatuka mi khatin ei masiala mara ei nei hava pek ha hantin nimak asik chu ruirilna “Achai” ha mi khat ata, tenchu lungkham pek chu masial atampa ata “Dikna” na atel tenpei.

¹⁷Asik chu ha angkhat masiala han angkhat sika thinan rui ei ril hava lai han hanuk mi angkhat le Isua Krista lehan lungkham le adikna anpek aman ngai ha amanin itukmo atam damnan ruiril inti.

¹⁸Hasika hantin han angkhat masiala mi dora koma choina tenpei mara ei masuak hantin den han dikna sinkhat le mi dora koma damna rang dikna nan tel tenpei mara ei mazir.

¹⁹Asik chu hontinmo ha mi khat he khela atam ha asia anlona hantin den han, hanuk mi khat hetela atampa adik atia ansur inti.

²⁰Hatuka hava suale dan ha akol taka ahong anlang. Asial ei tamna ranga. Asial tamna tak han hava han lungkham haneka atam achul.

²¹Asian hontinmo thina na rui ei ril hantin den athara lungkhama dikna le ringanlonna ranga koini na Puma Isua Krista le rui ei ril theina rang.