Read Ranglong 1 KORINTH 8 Bible Online

1 KORINTH 8 - Ranglong bible

1 KORINTH 8

¹Ramil matona andar dali asak ruia chu. “Lokon varna adon kiar na ni ti” nan riata. Tenchu chong aleia suak anga, hava ang hiannan chu miringin borai keng ei tho puina ei chang tenchu lungkhamna rong keng abuaka anding thei.

²Ariat zit anga anbetok ngai chu ei riat rang anga la riat lui mi ani.

³Ten Pathian andit tak pei chu ama han ei riat mi khat ani.

⁴Hava sika han, ramil matona andar dali asak anthiang ruia nei riat chu ramil hi ite ni mak, ten Pathian chu angkhat dak keng.

⁵Asik chu chung le thuaia “pathian” anti ngai dora ngal hi ani, “pathian” le “puma” atina atampa a om.

⁶Hava taka han nei riat chu koini ranga chu ha Pathian angkhat dak keng na Pa, alompeia Ama zara ani zit ani hatuka Ama rang ngala koini hi adam na ni hatuka na Puma ha Isua Krista zara alompeia ansin zit ani hatuka Ama na han koini nei damna.

⁷Tenchu hiva ang atak ariat chu atom te keng. Senkhatin chu avian tena ramil ala honga mang ala oma, hatuka ramil matona dali andar nget anga dali ei sak anriata, hasik han aning barchana ei mandona ei duaia han nek sakin ahong mannima.

⁸Tenchu koini le Pathian nei anzomna sak nekin maton lam anan son thei ni mak. Nei nek nok sika nei zuk nam ni mak Nei nek sika nei lok na ham nimak.

⁹Tenchu anreng asa, nangni ngai nei zok u na le na om tho u han iamna na aduai ngai ranga pap ei va thopui u na la chang ni.

¹⁰Nangni ngai chu “hianna” adon na ni u na, ankhinana ramil biakna ina dalin dar asak lai tak han aninga ei mandonna a la duai ngaiin ei mu nisela aduai ei ni sika han ramil matona andar dali sak ranga hava tuk han ngamna adon nokin mo?

¹¹Havan tin han nang na unai, ama sika han Krista ei hong thi, ranak ala tom pe mi ha nang nei “hiannan” ei masiat.

¹²Havan tin han na unai andit Kristian atei atampa tak chunga masial nei va nei le amani mandonna ei duaina tak chunga nei va hem khapa han Krista ranga pap atho nei chang u.

¹³Hasik han nek sakin ka unai ranga akharpu achang nekten me kei sak nok asa, ka unai ranga akhar lam ka chang ving ngai.