Read Ranglong 2 KORINTH 13 Bible Online

2 KORINTH 13 - Ranglong bible

2 KORINTH 13

¹Hi voi anthum na kom u na ka hong riat, “Anni anthum mura chong dora achat.”

²Voi anni ka honga suak suale atun anchel pei makung atia mana asia tho ngai ama ni le atei dora mana ta kei ril le man ata kei manthei u ka hong ret ten na reng u lai no ning ati na.

³Asik chu Krista han koia chong ei ril, nangnin chu ama ruia ei ni na neia rok u, ama hi nangni ranga ranak abui nimak, hanekten na bil u na ranak anei khit keng.

⁴Ichangmo ati ten ama hi ranaka bui sika Krosa ei antar chu ani zei tenchu Pathian ranak lehan ei dama ei om. Hatuka koinim hava han ranak nei bui, tenchu nangni ranga Pathian ratna sika ama bila ringa om inti.

⁵Naningam mansin tan en u ro iama na om u mo eini na ha naning lena mansin u ro, hano nangnin an re u mak che mo Isua Krista nangnia ei om hi tenchu ani na riat lui na ni u nok anten.

⁶Tenchu ka sabei an re un na ti koini hi nina anriat lui ni mak me.

⁷Hatuka koinin Pathian kom hiva hi bor nei zong nangnin sin asiat nei tho u nokna ranga koinin andangphit atia nei anlangna rang duaia nimak hanekten andangphit lui anga aniam sin asa nei tho u na rang.

⁸Asik chu koinin atak, alet tiang ite tho thei mak me, atak tiang rongke nei tho thei.

⁹Taktaka koini ranak na bui le nangni nei rat u. Hava han koini na rai ei san, hatuka hiva ranga bor um nei zong nei min u na ranga.

¹⁰Hasika han hong suak luiam hiva chong dora kei maziak, ka suak tikle Puma pek kei theina anga angei sabaka kei mang nokna ranga ha theina aman ei khiaka ei peina ranga ni mak tenchu aphun andet ranga ke koi hi eina pek.

¹¹Ahek khita kei ril parual ngai rai mansan u ro, min u ro, pham u ro, mandon khat choi u ro, anngoia om u ro hava han andit le anngoi Pathian na bibil u na om inti.

¹²Biang antum anthianga nangni le nangni anpham u ro,

¹³Mi anthiang doran nangni rang phamna chong aril u.

¹⁴Puma Isua Krista a lungkham le Pathian ditna hanuk Ratha Anthiang ansem puina na kom u chipa nan lop pui u rase.