Read Ranglong 2 KORINTH 7 Bible Online

2 KORINTH 7 - Ranglong bible

2 KORINTH 7

¹Hiva chong dora hi antin koini ranga, ka lom ngai. Hasik han na pum le na ratha annim thei ata anthiang u rei Pathian anchi chunga anthiang a om chip u rei.

²Na malung u na koini rang mun sin u ro. Tute masial mak me, tute masiat mak me, tute tak chunga ei ting nokna na nam mak me.

³Hiva ngai hi nangnin siatna ranga kei ti ni mak, asik chu na maton u na ka ti zeia keina dit sabak u ania umora munkhat na ni, na thi mo na dam mo.

⁴Na rui ka riat sadim u na, na sik u na kan lian! Nei anbuai sabak u aninam kan ngam sabak; raisanna le ka tan.

⁵Makedonia na na hong suanam pong ansa makme. Muntina anbuai le ansualna malunga anchina na om.

⁶Tenchu amalung annem ngai anthor Pathianin ana mathora Tita ei hong rang rui le.

⁷Ama ei hong rang rui rong ha ani rai anansan hatuka ama nei mathor rui anril. Aman ei na ril itukmo ana mu u rang nei zot, itukmo asiat nei anti ituk ansin mo nei ni, koi anasan ranga hasik han koi um atun ka rai ei sansa.

⁸Ka lekha maziakin ana manna u nam kei maziak machaia anre making. Chomokhat na malung u ei manna sika ana ka ti thei.

⁹Kei na manngui u sika atun ka rai ei san ni mak. Asik chu nei anngui u han lampui anthulna ana pek. Ha annguina ha Pathian tho keng hasik han na manna makme.

¹⁰Lungnana ha Pathianin amanga malung anthul sandamna tiang aruai hava han ansirna om mak! Lungnana papei miring ata chu athina rasua.

¹¹Hiva na malung na u na hin na muna Pathianin imo ei tho? Ituk iamrua mo ei na manni u ani zei. Masial abui nei ni u anlang ranga itukmo ei pham u ani zei, ataka valna, masial abui nina anlang zotna, asian tir asia zot luina anditna, malung apekna asia tho ngai anchu tit malung ei na mandon hi.

¹²Hasik han hiva lekha ka maziakam asia tho ngai le ase sika ni mak. Tenchu kei maziakna asik chu nei var sa thei u na rang Pathian tianga koini rang itukmo neia mok u ei anthuk.

¹³Hasik han anthora nei oma, anthor duai ni maka, Tita a raisanna le itukmo na rai ei mansan nangni ngaiin lung ngam nei sak u na zara.

¹⁴Akom nangni na sika kan liana ka malung masiat u mak che. Nangni na kom adik babang nei ril, hantitin han Tita akoma nei van lian han dik a manlang.

¹⁵Hasik han a lungkham, na ranga anson riam ei na manchu u rang apom ranga nei lei ansin u ha ariata, anchi le anringa nei lei pham u ha.

¹⁶Itukmo ka rai ei san na chunga kei anbetok diai ngam sika.