Read Ranglong 2 KORINTH 8 Bible Online

2 KORINTH 8 - Ranglong bible

2 KORINTH 8

¹Koini na lom ngai Pathian lungkhamna Makedonia na ansin zei ti nei riat u rang nei zot.

²Antak atonga asinna tam atem u zei; tenchu araisan u na alian sabaka iamrua taka apek u, anriang u nam.

³Ka ti phat thei ei chole udor ke ei pek u. Hatuka ei phari u nekam apek u amani zotna ata.

⁴Ana mathem u ana zong u. Judia rama Pathian mi ngai asanna achang ranga.

⁵Hava ngai ha nei iam neka ani; mansana amani ha Pathian kom anpek u na; hatuka Pathian zotna le koini kom um apek u.

⁶Hasik han Tita nei mathem, hiva sin aphut han tho tit rase hatuka hiva lungkhamna sin asua rang na san rase.

⁷Nei don u ngaia han ituk anei mo nei ni u; iamna na, chonga, hianna na, asan nei zot hatuka koini ranga na lungkham u na na. Hasik han hiva sinam anphal tak ni u ro.

⁸Riti kei dar ni mak, Tenchu zotna chunga keng mi nei san rang, nangni na lungkham hi ituk atak mo ei ni ariat rang ka val.

⁹Puma Isua Krista lungkham ha na riat u; ama anei aninam, nangni sika anrianga ei ansin, ama ei anriangna sika nangni ei na man nei.

¹⁰Koi ka malung vong chu ni kuma na sin phut ha atun sua ta ro, nang hi atho mansa duai ni mak che na azot um na ni.

¹¹Havantin han hava sin sua u ro, asua zot ang ni u ro nei mansuk anga, atuna nei don le tho u ro.

¹²Apek rang na zot ten, Pathianin nei pek u rang pom inti nei pek u rang tak chunga han, ten nei don u nok tak chunga ni mak.

¹³Nangni tak chunga puak abanga min zok rang kei tina ni mak; ten anrual rase aliak nei don u han ei bui u anzon u rase, adon u le nangni nei bui ei na zon u thei na rang keng kei ti; hantin han anrual inti.

¹⁵“Arut atamin aliak don mak arut atomin hun luiam om mak,” ti anziak anga.

¹⁶Pathian kom raisanna na mantung koini dor pei nangni ana san rang Tita ei man zot sika!

¹⁷Koini nei mathem duai ei pham ni luia; ama aninga zotna le anasan ranga ahong rang ati.

¹⁸Ama bila koini na parual lalchi man sabak kuibing tina thangahui sika ama na hong tir.

¹⁹Hava bara ama hi anthanga anphun kuibing ata koini bila kal achoi ranga hiva lungkhamna sin nei thona hin Puman lianna rang le sanna nang ati anmu ranga.

²⁰A sin nei tho hiva neinun apek ruia hin tuten ei na dem nokna rang nan reng.

²¹Pathian mandon rong ni luia miring mandonam asa na mandon mansa chachak.

²²Hatuka amani kom na parual nei tir rang ei ni sika, ama ha lampui atam malunga peka sin atho ti na mu zeia atun vang chu ei na pol u sika anphal riam zei.

²³Tita hi chu koini na lom le nangni tiang na sin thopui ei ni; hatuka na unai ngai hi chu kuibinga kuitir, Krista lianna ei ni.

²⁴Hava sika han lungkham nei anmu u ti riatna le nei nan lianpui riatna chu kuibing ngai matona manlang u ro.