Read Ranglong GALATIA 2 Bible Online

GALATIA 2 - Ranglong bible

GALATIA 2

¹Kum somleimanli suale Jerusalem a ka se ret Barnaba le Titam ka bila ka ruai.

²Kei se asik chu Pathianin a manlanga kei se anang. Anchunna khata ulian ngai le thangahui rui ha ka ril Jentail ngai kom ka ril. Asik chu ka sintho hi akorong ni no rase kei ti.

³Kei anloppui Tita Grik mi aninam vun at ranga therkhaka ti u mak.

⁴Senkhatin hantin han ni rase atinam. Aiam ngai anga a om u nakam misi u, Krista na ningneina nei don a en ranga. Suak anan chang ranga ei zot u.

⁵Tenchu thangahui ei dikna ei siat nokna rang, her ngal pe mak me.

⁶Tenchu ruaitu anti ngai hiva kei ti hi asik chu imo ei ni u ka kom ei teina ngal om mak; apang anlanga Pathianin zek mak, ha ulian ngai kei ti hi chong athar na man re no ro.

⁷Hava ha aleta, ana mu u koi hi Jentail ngai kom thangahui aril ranga Pathianin sin ei na pek, Pitor ha Juda ngai rang thangahui aril rang sin ei pek anga.

⁸Pathian ranak le ke zolai kei ni Jentail ngai ranga, Pitor Juda ngai ranga zolai ei ni anga.

⁹Jakob, Pitor le Johon amani ha ruaitu ani u, a mandang thei u Pathianin hiva sin ei na pek hi; hasik han kut anan sur pui u Barnaba le koi, koini hi lom na ni ti andangna. Koi le Barnaba Jentail bila sin atho ranga hatuka amani ha Juda ngai bila.

¹⁰Ei na ti khit u chu amani bila anriang ngai anngil nok ranga, hava ha atho ranga kei zot khit.

¹¹Tenchu Pitor Antiokei ei hong han mipui matona ka khar, asik chu ama ha andanglaka diklui ei ni.

¹²Machin han Jakobin ei hong tir mi senkhat ahong, Pitor ha Jentail ngai bila neksak atho. Tenchu hiva mi ngai ahong u le chu ankhaia Jentail ngai le anek asak rang ti mak. Asik chu vun at ruia asun ngai ha a chi.

¹³Juda kuibing atei ngai um anchi om atho u zei Pitor abila; Barnaba ham atanpui u zei ei achi u bila.

¹⁴Hantin han lampui anzika ei choi u nok ka muna thangahui dikna le anzik luia. Pitor kom kei ti alom u matona, “Nang hi Juda na ni, tenchu Jentail anga na om Juda anga ni mak. Hantin han hontinmo Jentail ha therkhaka Juda ni ro nei ti rang.”

¹⁵Ani koini hi Juda anzir ke na ni, tenchu “Jentail asiat,” chu ni makme ei anpai u anga.

¹⁶Ten na riat mi hi adik ei ni thei hi Isua Krista a iama ke; Danin ei zong nei zina ni mak. Koinim ni rase, Krista Isua nei iam Pathian le nei dikna ranga Krista iama Dan ankhipa athona ni mak. Tute Dan azina Pathian kom adik om mak.

¹⁷Isua Kristana adik anlo rang na val han koinim asiat na ni ten, Krista hi asia sin ei tho mo? He e, nimak!

¹⁸Kei masiat ngai ka sin ret ten anchai keng ka ni ti kei anriat mei keng.

¹⁹Dan ruia chu koi chu ka thi zei, Dan lenin ei that Pathian tianga kei damna rang, Krista bila krosa ka thi zei.

²⁰Koi ha ni lai mak adam, tenchu Krista koia adam. Atuna kei dam hi iama kei dam Pathian Sapana, anan dita ka rang ei damna aphal.

²¹Pathian lungkham aheng rang zot makung. Tenchu Dana mi hi Pathian le anngoi aniten, Krista ei thi hi akorong.