Read Ranglong GALATIA 4 Bible Online

GALATIA 4 - Ranglong bible

GALATIA 4

¹Tenchu a naipasal a pa donglua aman rang ha suak anga anmang naipang ala ni kar chu aloma a puma aninam.

²Naipang ani lai mi anruai a om asin atho pe a om apa hun asuak man chu.

³Hantin anga han koinim ramual aruai ratha asuaka nei om rathana pui na ting man.

⁴Tenchu a zoro ahong akip le, Pathianin a Naipasal ahong tir, nupangin ei mazir naipasal anga ahonga Juda Dan thuaia, ahonga om.

⁵Dan thuaia a om ngai anratan ranga Pathian nai nei ni theina rang.

⁶A nai nei ni nei anriat theina rang Pathianin Ratha ahong tir a naipasal kom ata koini na malunga, ha Ratha ha, “Ka Pa, ka Pa” atina ankhek.

⁷Hasik han suak ni lai mak che nai ke na ni zei. Hasik han anai nei ni sika Pathianin anai ranga ei don chu pe inti.

⁸Machin chu Pathian re u mak che, hasik han Pathian nok ngai suak nei ni u.

⁹Atun chu Pathian na riat u zeia hano atun chu Pathianin ana riat u zeia hontinmo ranak abui le lungkham aruai ratha ngai tiang nei anhoi ret u. Amani suak rang achang nei zot ret u.

¹⁰Hoho nikhua, tha, hun, kum achan na mandang u.

¹¹Nangni sika kan don! Ka sin tho akorong rang mo tak nangni tak chunga?

¹²Ka lom ngai keina mathem u ani zei koi ka anga ni u ro, koi um nangni na anga ka om, ka malung manna ngal u mak che.

¹³Thangahui nangni kom ka ril lai han mankhita kei na siak anina.

¹⁴Tenchu ka tak nangni rang ansinna aninam ni rase elsel u mak che na heng u mak che, tenchu vanrama vanpalai nei pom u anga nana lei pom u na; Krista Isua anga nana lei pham u na.

¹⁵Achan na rai asan u na! I ang mo ni zei? Koiin tithei ka ti, na mit u kela asa ten na pe u na ti.

¹⁶Atun chu adik kei ril sika na raldui u mo ka ni zei?

¹⁷Atei ngaiin achan ana pom u tenchu amalung derdin u samak. Amalunga ei zot u chu, ka kom ata nangni ana khai, hankeng amani malung vong anga nangnim nei don u rang.

¹⁸Derdin asa aniten achan anpoisak hi asa, hivantin hin umora adik, na bil u na ka om le rong ni mak.

¹⁹Ka nai madit ngai naiha puang anga ka duk ana nangni na sika Krista om nangni kom ansin maseng.

²⁰Atun hin nangni bila om rang achan ka zot, mandon atei na chung u na kei raput na rang, nangni rang achan kan don.

²¹Dan thuaia a om zot ngai na rakel u ka ti Danin imo ei ti na rangai u mo?

²²Hintin ei ti Abrahamin naipasal anni anei a suak le angkhat a nungak le angkhat.

²³Asuak le anai ha min zir anga anzir, tenchu a nungak tak le anai ha chu Pathian chongtin mara ke.

²⁴Hiva ngai hi andangna khat ani; ha nupang anni ha chongtin anni a manlang. Ha suakle nai ha Hagar hava han Sinai tang chongtin akhin.

²⁵Hagar han Sinai mual, Arabia ram aderdin hava ha atun taka Jerusalem khopui le ankhina ani zei, anai ngai le suak achanga ei om u ani na.

²⁶Chungtianga Jerusalem chu suak ni mak hava ha koini na nu.

²⁷Asik chu Pathian chongin ei ti, “Nang achingnu na rai mansan ro! Raisanna mit rathi le ankhek ro nang naiha relui nu! Nang nupang philchar nu nai nei ualin na ti a ruatharin ei la mak ngal nok nupang neka.”

²⁸Atun chu nangni ka lom ngai Pathian nai na ni u Isak anga a chongtinna mara.

²⁹Hava lai han nai anzir anga anzir han Pathian Rathana anzir ha apangsepa atun um hantin han.

³⁰Tenchu Pathian chongin imo ei ti? Hintin hin ati, “Suak nu le anai ha manse ro; ha suak le nai han suak nok le nai bila apa donglua lua no ni.”

³¹Hasik han ka lom ngai suak le nai ni mak me tenchu atak le nai ke na ni.