Read Ranglong GALATIA 5 Bible Online

GALATIA 5 - Ranglong bible

GALATIA 5

¹Zokna ha nei man Krista han ana mazok! Hasik han a zok ngai anga ngir ro suak chang lai no ro.

²Rangai ro! Koi Paulin kei na ril u ni zei vun at ranga na zot ten na rang Krista ha ite alam luana om mak.

³Hanuk voikhat kei rakok ret ani zei vun at ranga azot tak chu Dan dora atel rang anphal.

⁴Dan atela Pathian le anngoina val chu Krista ata ankhai hava ngai chu Pathian lungkham atual panga.

⁵Koinin nei sabei chu Pathianin ei nan ngoi pui rang; hava ha nei ngak Pathian Ratha ranak le nei iamna na sin thona.

⁶Krista le munkhat na niten vun an at mo, an at mak mo ei tei na ngal om mak; iama ke lungkhamna zara sin ei tho.

⁷Nei tho u chachak ha asa ha le. Tumo adik atho ranga ana khar u? Hontinmo ei na khar u?

⁸Ha themna ha ana pai u Pathian koma ni mak.

⁹Chol alakten vaipol dora a manpuar.

¹⁰Malung atei anput ranga chu Pumana na iam u making, anan siat u chu atak chunga ruirilna chu la chul inti.

¹¹Ten koi chu, ka lom ngai, vun at hi anang atina kei la ril bang aniten hanle imo ansin saka kei om? Hava ngai ha adik ten Kros rui kei rilin manpon no ni.

¹²Na takansi u ngai mi bang u rase; tho bang u rase atheia lan heng unti.

¹³Tenchu ka lom ngai nangni chu a zok ranga ankui na ni u, tenchu ha zokna ha na taksa ei zot athona ranga zokna manni u no ro. Ten lungkham le anbol ansiat u ro.

¹⁴Asik chu Dan dora hi chongpeka ansung ke, “Na inkol mi nang na anga adit ro.”

¹⁵Tenchu rama me anga na om ten na zema na duk nanna ten anrung u ro siat u na ti.

¹⁶Hiva hi kei ti, Rathan na ruai u rase; hankeng na miring zotna nei tho nok rang.

¹⁷Na miring ninan ei zot ha Rathan ei zot nok; Rathan ei zot ha taksan ei zot nok. Hava anni ngai ha andui, hasik han nei zot tak tho thei mak che.

¹⁸Rathan ana maruai ten Dana a om ni mak che.

¹⁹Miring kanun ata chu anthianga; hiva ngai hin anlanga, andit, annim, hurna,

²⁰ramil abiak, doia thei, anvang, ansual; khamaret, taksit, ankhal, abinga om, abinga iam.

²¹Manar, anrina, zubual raisanna atei ala tho hiva ngai hi, machina anga atun um keina rakok u; hivantina a om ngai chu Pathian ram lua u no ni.

²²Ten Rathan ei mazir chu anditna, raisanna, phukadaina, phukanchualna, lungkhamna, satna, iamruana,

²³annuaina, anrung thei hiva ngai neka dan om lai mak.

²⁴Hasik han Krista ta ngai doran chu hiva a miring zot dan le aningolna ngai athat kiar zei.

²⁵Ratha han damna ana pek sua zei; hasik han ei na ruai rang um ei ni.

²⁶Nei anliana, taksitna, khamaret nei antho nok rang.