Read Ranglong EPHESI 3 Bible Online

EPHESI 3 - Ranglong bible

EPHESI 3

¹Hiva sik hin, koi Paul Krista Isua sika anok nangni Jentail ngai rang Pathian kom bor azong.

²Re nget u zei na ti Pathianin a lungkham sika hiva sin hi ei na mantho nangni satna rang.

³Pathianin asin mansuk maruk ha ana manmuna. Hava rui ha akipa ka maziak sua zei,

⁴imo kei maziak ha na en u ten re thei u na ti ha maruk ha itukmo kei riat ani zei Krista rui.

⁵Machin hiva chong maruk hi miring kom anril mak, ten atun chu Pathianin a zolai le deari ngai amanga a manlang.

⁶Ha chong maruk chu Jentail ngaiin Juda ngai le anlop thei Pathian borsanga; ha taksa munkhata mi ani u hatuka Pathian chongtina changai anei Krista Isuana.

⁷Koi hi thangahui suak kei chang Pathian pek le, hava ha a sinthotheina le ei na pek.

⁸Pathian mi ngai asinkhit bila koi hi asinkhit. Hanum ni rase koi hi Jentail ngai ranga thangahui arilna her ana pek hanuk Krista nei zia,

⁹le Pathian tho a maruk chong ha sina ei anthona rang. Pathianin alompeia asin kiar han achong maruk ha athup tianlaia hun ngai han.

¹⁰Hatuka koini na Puma Krista Isuana ei tho zot chu, a umor mansuk anga, atun hin anvan muna anlalna le chongneina ngai kom Pathian hianna dora kuibing ngai sika anriata om thei inti.

¹²Kristana le nei iamna na angamna na don Pathian matona ase ranga ngamna dora le.

¹³Na boi andong nok ranga ka na mathem u nangni sika duk kei tiar hin; nangni nei lok u na rang keng.

¹⁴Hiva sik hin Pa matona mankhuk abila kei om,

¹⁵inkotin akom ata raming adik ei man anvana le phila.

¹⁶Pathian kom ei lianna nei ata kei zong thotheina ana pek u ranga a Ratha le na sung rila ranak nei don u theina rang,

¹⁷hatuka iama bor kei zong Kristan na malung sung u na ama in ei sinna rang. Bor kei zong na razung u le na lungphum u lungkhamna na ni rase.

¹⁸Hatuka lokona Pathian mi ngai doran ariat theina ranak don theina rang itukmo ei lian, itukmo ei sei, itukmo ei ansang, itukmo ei anthuk, Krista lungkham hi.

¹⁹Ani, hong rethei u na ti alungkhamna aloma na riat thei kiar nokam hasik han Pathian kanun le bit u ro.

²⁰Hatuka koini koma sin atho chachak a sinthotheina anga nei zong le nei mandon dora neka atho thei kom han,

²¹umor tenpei a kuibing ngai kom le Krista Isua kom umor anlianna om rase, Amen.