Read Ranglong KOLOSSA 3 Bible Online

KOLOSSA 3 - Ranglong bible

KOLOSSA 3

¹Kristana damnana na hong anthui reta, hasik han na malung vanram ruia chui rase. Krista Pathian changtiang a reng sutmuna ei ansutna na.

²Sovana rui chunga na malung siak u ro, hiva phila rui chunga ni mak.

³Nei thi u, hatuka nei dam ret u ha Krista bila anthupa ei om Pathian tak chunga.

⁴Nei dam u na tatak chu Krista ke, hatuka ahong anlang tik; nang um abila anlang na ti hatuka ei lianna mang na ti.

⁵Ramuala ningolna nangni koma a om ha nei that nget u rang, hava ngai ha hurna, ningolna, asia tho zotna, huatanham (huatanham hi ramil abiak ang ani.)

⁶Hiva ngai sika Pathian taksitna ei tung rang atel nok ngai tak chunga.

⁷Voikhat chu nang naninga hiva ngai zotna le nei om hava ngaiin ana lua lai han.

⁸Ten atun chu hiva ngai ata ankhai nget na nang; takasi, anuar, mumak, siataril, nerngal chong hiva ngai hi pei u ro.

⁹Anhuang u no ro, miring marua ha; na khek sua u zei hale,

¹⁰hatuka nun athar ha nan thuam u na hale, hiva hi miring thar asin chu Pathian, ei manthar chian ama anga ama rui ei na manriatna ranga.

¹¹Havan ei mazir chu Juda Jentail antei lai mak, vun a at, a at nok, nam amo, Skunthia mi, suak, suak nok om lai mak, Isua ha aloma, Isua han aloma ei om.

¹²Nangni hi Pathian mi na ni u; ei na dita ama ranga ei na thang u hasik han hiva ngai le anliang u ro; phukanchual, lungkham, annuai, omathei, phukasot.

¹³Anngoi ansiat u ro hatuka andual u ro rui ril rua na don u ten andual u ro, Puman ei na madual u anga.

¹⁴Hava ngai dora chunga a lungkham sap u ro, hava han aloma a malop kiara munkhata akhita asiak.

¹⁵Kristan phukdaina ei na pek u han na malunga ruiril rase, hiva phukdaina na hin keng Pathianin ei na pai u munkhata taksa khata. Hatuka na rai mansan u ro.

¹⁶Krista chongril atama nangni malunga om rase. Hianna tin le anchu u ro, ankok u ro. La tho u ro anpakna la, ratha la, Pathian rang na malunga la tho u ro, raisanna ril chunga.

¹⁷Aloma nei tho nei ril u ngai Puma Isua raminga ni rase, raisanna na ril rang le amana Pa Pathian kom.

¹⁸Nupang na ruathar kom anpe u ro, hava ha ani Kristian anga nei tho rang.

¹⁹Pasal, na nungak lungkham mu u ro hatuka rang pe u no ro.

²⁰Nai ngai, hiva hi na Kristian tho rua nu le pa lalchi tho, hava ha Pathian ei zot.

²¹Nu le pa ngai nai tak mansi u no ro, hano amalung siat unti.

²²Suak ngai, na puma he tel u ro, ana mu u lai rong ni maka ei na ditna ranga; tenchu Pathian lalchi nei tho sika malung a peka tho u ro.

²³Nei tho rina, na malung apeka tho u ro, Puma rang atho anga miring ranga ni luia.

²⁴Puman raisanna na pe unti, ha ami ngai ranga ei siak ha. Asik chu Krista hike Puma tatak adorbo nei adom hi.

²⁵Hatuka aloma asia tho ngai dora anthuan inti asia ei tho u ngai. Asik chu Pathianin anrual chianga ke rui ei zek.